Angeljing

好好商量

幸運星1010

樓主應該係派咗慈正邨呀。
如果間3房應該都係有一個會黑房，或者黑廳的啦。
睇下近窗間房還係做廳。。。

2公婆的好好傾下，都係為大家有個安樂窩啫，談談利弊吧。。

我開頭都係以為老公一切都係跟我所講所想的去間房去設計裝修的。。。
點知最後，成間屋大大小小都係佢跟晒，佢每日收工后再去跟，我要接送2個小朋友返學放學，仲要買餸煮飯，又住吾近派到樓，又要搭車來回，又要預時間接放學。。
所以我都算舒服了，難得老公自己一腳踢啦。我係負責揀全屋傢俬的顏色
最後，而家一家四口都好滿足現狀，我哋舊屋邨，就預咗個個房都係黑房了。
但一仔一女都有自己的房仔，有自己的空間，佢哋都好開心滿意

斑馬牌

我都係一女一仔(女26&仔18)，但我都係打算佢兩個同房，因為咁多年佢兩個都係瞓碌架床。其實點解一家人成日要搞咁多私隠？好多嘢唔俾得屋企人知咩？仲要同個仔諗埋將來拍拖帶女返嚟？一個二個平時己經對手機多過對人，仲要安排一人一間房，咁以後晚晚食完飯咪一個二個匿入自己房玩手機囉，咁樣好咩？得嗰3百幾呎公屋，間三房，房細又冇空間，間得房大就連廳都冇埋，何必呢？大家諗返細個同兄弟姊妹一間房瞓，睡前傾吓計係幾咁開心ge事，當時何曾有人會介意冇私隠？嘥氣！

妃kei123456

我都係一女一仔(女26&仔18)，但我都係打算佢兩個同房，因為咁多年佢兩個都係瞓碌架床。其實點解一家人成日...
斑馬牌 發表於 2020-01-06 22:37:24 原文

我諗一仔一女多數各自各一片天空，而同你一樣也許少數，除非無空間間，手機時代糸甘咖拉?反正我仔女要各自有房，女寧願細細一間也無所謂、裝修時偷偷啲聽到兩個糸房度傾不如就用一個窗簾甘隔開，但仔自己提出，最後都覺得吾好，換衫都要走來睇?就麻煩了，女都話要房，所以無論點最緊要家人決定，無話邊個樣好吾好

緣來是你

依家唔間房，遲早都要間，不如直接搞掂

maymaylam

派咗慈正邨啊，俾個幻想的設計圖俾大家睇下，不過最終我地算係各退一步吧，今晚裝修師傅俾咗報價單，事情有些進展，開心返哂，雖然唔係理想中的，不過總算仔女有返自己空間，又有返d櫃，以後做得成再upload圖

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

qoovia

我都係一女一仔(女26&仔18)，但我都係打算佢兩個同房，因為咁多年佢兩個都係瞓碌架床。其實點解一家人成日...
斑馬牌 發表於 2020-01-06 22:37:24 原文

跟我老豆D諗法好似，都係話搞張上下格床，一仔一女同一間房就可以了，何必係廳又隔一間，你地以前細個時咪又係這樣過來，吾可以話呢個諗法吾啱，因為一兩代人都是這樣過來。我小時候亦係兄弟姊妺一間房，上下格床，乜都係共用，無私人物品，嘢就放到亂七八糟，自己小時候無，所以長大了才希望自己小孩有自己小空間，時代改變，生活環境變好了，人就會有要求。哈哈，所以才講每個人的想法不同。

debbyfung1015

光線方面可以試下用淺色同燈光去配合,屋就係得咁大,最緊要住得舒服呢~
一家人開開心心比起呢D都只係小事呢

小蜜蜂

回應 #76 maymaylam

你個雪櫃位在哪？裡

maymaylam

雪櫃可放廚房。