6981tsui

回應 #12 火星2021

私樓8千幾蚊呎可以買邊度?而家呢度係新樓, 應同返同區新樓比就公道D

kjai

回應 #20 mexxbb

但要留意返單人的入息和資產限額未必足夠通過壓測去買2房單位,有機會承受批唔到按揭的風險

雖然單人的機會比抽房委居屋高,但風險同時都高左

kjai

回應 #21 6981tsui

呢個新發展區,同區新樓的私樓就只有一個全數撻訂的安峰(無成交=難以參考)
居屋2023的3個屋苑,當時呎價大約7千至8千,與朗然同樣是62折 (但呎價相差大約1千,可能你會話包括了裝修和部分家電,但兩者相隔了約4個月,當中樓市變化了多少? 值唔值就自己考慮 )
居屋2022的1個屋苑,當時呎價大約6千至7千,51折

而朗然的呎價的8千幾是平均呎價8,900多元,如計算折扣前平均呎價是14000多(已經高於最近的觀塘區的成交呎價)
就算你要計折扣後的價8,900多元都已經非常接近大西北的私樓新盤呎價,
無錯8千幾係買唔到私樓新盤,但比多1000幾就買到(而且私樓唔洗補地價)
現時各區很多私樓新樓的呎價都低於14000,還未計交通配套,交樓質素,家電,景觀都比朗然好
而且朗然是遠期樓花,長達2年,按揭風險高(甚至....  )
公道D係???
借定唔借, 還得到先好借 (甚至借都未...)

6981tsui

回應 #23 kjai

朗然的呎價的8千幾是平均呎價8,900多元, 你所提及大西北的私樓新盤呎價比多1000幾就買到, 但可能只幾間, 你用左私樓新盤minimum同朗然個mean比較, 唔信可以睇下私樓成交紀錄冊就一目了然


至於樓花就睇下可否接受, 你估私樓無樓花咩, 但建期付款已較私樓建期穩陣, 起碼房協樓係有政府擔保, 只要你過到壓測就得, 可借9成慳左按保, 而私樓就重有按保要俾果幾十萬未計, 呢D都係支出

kjai

回應 #24 6981tsui

朗然的所謂62折都只係平私樓1000幾蚊呎,資助房屋在樓市低迷的時候仲反其道而行,不減反加,已經夠反智
無錯,私樓都係有樓花,但現在朗然的問題唔止係遠樓花,係仲要有高溢價
無記錯的話,房協樓就只有建期供,2年樓花仲要開高價,即係就算2年內樓市唔跌,最後申請按揭都未必可估足價=要抬錢上會(但有幾多人可以係收入及資產限額內又有能力抬錢上會
無錯係可以慳左按保,但開價高左,比多左溢價咪又係一樣,呢D都係支出,仲要高風險過私樓


這仍是資助房屋應有的價錢嗎??  計劃原意到底係咩?

開個咁高的價,睇下到時有幾多單殺訂同負資產
到時引發骨牌效應,牽連甚廣

6981tsui

回應 #25 kjai

第一: 你所講私樓比佢只貴千幾蚊已經係誤導, 來來去去都搵大西北得幾間最平開價比, 而62折係計定價果時, 之後買果時折扣係會跟市價再郁, 即係到時再跌就可能係7折, 升左就可能5折, 其實係買嘅業權轉變
第二: 講到高溢價, 肯定私樓更高

第三: 如果大家都係建期, 申請按揭未必估足價嘅木戈會點都私樓高

第四: 講到殺訂風險, 一定係私樓高, 可以比較下到時殺訂比率就知, 都唔使講到好似飛揚咁, 就睇Novoland個比率都一定高過資助房屋

第五: 資助房屋唔通就要一千蚊呎賣, 計劃原意係俾有需要嘅人買黎自住, 如果開價過低, 到過左幾年禁售期, 個樓市又好轉, 又會賣俾二手市場賺更多(除非直頭唔可以賣出)

最後你講睇下開咁高價(其實比起私樓仲係平好多,我都想知有邊個私樓新盤係平) , 睇下幾多殺訂同負資產, 相信比較同期情況相約嘅私樓, 就知私樓更會高出幾倍

kjai

回應 #26 6981tsui

誤導? 居屋定價後, 你幾時有見過會改???
貴千幾蚊只係搵大西北比較? 你有無睇清楚??
用私樓新盤minimum比較又唔得?
用同區2手樓盤呎比較又唔得?
用附近居屋比較又唔得?
咁你想用咩價去比較?用豪宅價比較?

私樓開緊低價的時候,但朗然開高價,你竟然話私樓殺訂風險高??你知唔知咩係溢價?
無人話過要一千蚊呎賣, 現在係折後價非常貼近私樓,折前仲要貴過同區私樓
你都識講計劃原意係俾有需要嘅人買黎自住,請問所謂的62折都貼近私樓價錢係幫到D咩? ?

到底咩叫62折?? 先抬高價再話係62折,都叫合理???

到底係邊個誤導?

6981tsui

居屋定價後係只會改折扣率, 可能你唔知
其實除左偏遠地區,有邊區新盤係有10000/呎?有就唔該講明
minimum同mean比都唔叫誤導, 如果要比較應該係minimum同minimum比或mean同mean比, 你可能又唔知
比較唔係應該搵返condition差不多咩, 咁你不如搵唐樓或就快拆果d比
你睇下星凱堤岸開咩價, 講緊平左都貴到飛起, 你又睇下出年收樓嘅飛揚或白石角新樓比(因為地方都係不便, 所以先搵佢地做例子)
62折4百幾萬買到4百幾至5百幾呎喎, 新樓同呎數買到幾多呎先?有就唔該講聲, 我都想知所謂貼近私樓係講緊咩野樓, 可能樓齡好舊果D

kjai

改折扣率有咩用? 咪即搬龍門...

朗然都唔係偏遠地區?你真係信市區半山?有無去3順,安達,秀茂平,去過都知夠偏僻啦,安達臣係仲再上去
就算mean同mean比都係相差1000幾
不如你講下邊度係同安達臣(新發展區)condition差不多?? 同區觀塘又唔係,同樣偏僻的大西北又唔係....

朗然都係地方不便, 開荒,巴士小巴路線仲少過皇后山,就算你想行落去地鐵,朗然都係最遠離行人接駁天橋
就算比你講埋未落實的新型智慧綠色集體運輸系統,但現有計劃係安達臣係無站的,同樣要10幾分鐘行落去寶達/秀茂平

依家朗然就係平左都貴到飛起
朗然的開價仲要係咁多年來房協最貴資助出售房屋項目(開價貴過晒:綠悠雅苑,翠嶺峰,翠鳴臺,綠怡雅苑...)

所謂62折係點計?? 如果8900幾係62折,講緊折前就係14000幾,觀塘區D樓都無咁貴啦,旁邊西貢區都無咁貴
落到啟德呢D配套完善,交通充足,有景觀的地區先係差唔多呢個價

自己去地產網/舖睇啦,你要用mean同mean比,大把10000左右呎價的20年樓齡內的私樓(甚至10年內都有),仲要交通,景觀...都好過朗然幾條街
如果你係都要比較全新盤,咁無得比啦,今年咁少新盤,其中多數都係大西北/市區靚地段

一個荒蕪的新發展區的居屋都要$8900呎,只係為1個「新」字
你覺得平又值得就去申請啦


唔洗係到又話人誤導,唔公道
「市區半山」,送家電只係煮食爐同冷氣機,20條巴士和小巴線路係計埋下面秀茂平/安達...呢d又唔見你講誤導

6981tsui

回應 #29 kjai

覆埋呢次就唔再覆你, 冥頑不靈就點講都唔明, 同你分析都浪費時間
改折扣率響買果時係無用, 不過你講到要補地價就有用, 你成日講折前個價, 都係想過左5年後炒賣, 仲有如果要賣唔一定要補地價, 可賣俾綠表或白居二(你又睇下房協綠悠同綠怡二手市場成交幾錢, 都要過1萬/呎)

朗然事實係偏遠, 所以咪叫你同白石角, 掃管笏果D比囉, 呢D唔只差1000啦

講極都講唔到咩地方差1000, 叫你講又講唔到

貴過之前房協推嘅樓有咩出奇, 要睇邊年推, 你唔搵沙士果時比

啟德邊有呢D平均呎價呀, 唔好又搵minimum黎扮mean, 你講得出相信好多人都想知

你搵兩三年樓比正常D囉, 搵近廿年又差太遠, 其實都係最想知你搵邊個盤比, 成日話有又講唔出

仲有你覺得貴咪唔好申請, 超額無之前咁多係正常, 但一定好過私人樓果D發水票

我從未講過佢係市區半山, 交通不便係事實, 所以咪搵掃管笏, 白石角果D無咩車到嘅地方比囉, 佢除左雪櫃同洗衣機, 大多數都有家電都有, 除左煮食爐, 分體式冷氣機, 亦有抽油煙機, 熱水爐, 仲有廚櫃, 廚廁同亦裝好晒, 有地板或磚鋪好晒, 差不多一入就住得, 記得居屋係清水樓架, 咁比居屋貴有咩出奇呀