續上文:
http://cyclub.happyhongkong.com/viewthread.php?tid=43430
話說我係3月底因特別原因所以派咗牛下比我嘅,揀樓個日睇完間屋見到有裝修過嘅痕跡,成間屋好多爆炸螺絲洞d門框又有水跡,大門鎖位花晒,鐵閘凹咗,地板鋪咗,廚房地櫃整咗,等等...去到屋村辦事處個職員仲要死話無可能,間屋一定係新樓,搞咗兩,三個鐘個主任關小姐勁串走出黎,話間屋就肯定系無人住過,只係上手派過出去之後因特別原因佢搬走咗一定無人住過所以係新屋.
你d問題簽完約我地有份check list比你,7日內交返黎我地會搵人整,你一係要一係唔要,你唔滿意一係就唔好要等派個間.
好,我都鍾意間屋諗住只係小問題,執返就ok啦,加上再等唔知又要等幾耐,我急住入伙,最後我簽咗約要咗啦,咁我亦剔好晒份check list交返去啦,早兩日承辦商話因為我剔咗太多問題要上門睇,最後約咗今日上門啦,點知個承辦商一上到黎就話呢間屋水喉電線乜都改過晒,牆身又爆晒爆炸螺絲又改咗色,要整都係大工程,所以呢間屋唔應該派住應該要先還原,咁個房處技工上到黎都話唔可能會咁,要返去了解下先,叫我附近行下等佢啦,個時12點幾,佢驚office d人食飯咁就走啦,最後我等到3:00都無電話到,我就踩落辦事處啦,去到一個推一個,跟住搵返個技工出黎頂,話最多只可以搭師父膊頭幫我炆返d爆炸螺絲嘅膠出黎填返d洞洞,其他無辦法...
咁即係點丫...我廚房廁所d磚鑽到爆晒,你又唔比換,水喉,電線改到七彩,漏水火燭係你負責定我先????
就算係舊屋,返新都有賠償比返我丫,咁你唔整我都要自己整架,咁個技工話要搵主任出黎啦,點知佢話主任傾緊電話,叫我等等...點知我足足等咗成個鐘,完全無人理我,已經火火地,催佢個陣個職員竟然話唔知我等乜...$^#w%$#%#$
好,又解釋多次...又等...最後個黑晒面勁串嘴嘅主任關小姐,一出黎我乜都未講佢就話佢已經同經理傾咗,因為我個間係新屋,佢地出唔到數,而且簽約個陣係話間屋無問題先要,d問題係裝修問題,唔係維修問題佢地唔包嘅,要自己負責整...我O咗嘴,我話咁我有咩辦法同可以搵咩人幫我,佢話總之唔關佢事....%#$^$%^#
我個腦一片空白諗起張生,所以出咗個門口就即刻call去張生嘅辦事處,張生好好人講咗件事佢知好快就應承幫手跟進件事,讚丫~~
本帖最後由 celiayuen 於 2013-3-14 22:12:53 編輯