心情動態: 來自非公營房屋 |
3. 不如大家回顧一下歷史,兩萬人口的寶達入伙之時,有無開獨立新線?不過是拉秀茂坪本身的 13D 13M 13X 和 601 上去,只得小巴 71A 到藍田站。當中 13D 13M 13X 都係要秀茂坪打摺先出到去,根本就唔見得寶達的交通配套好過安達。至於小巴 71A,幾分鐘一班,但只得 16 個座位,繁忙時間往往排隊數百人。和安達往來藍田站、每班車可載 130 人的 213M 相比,高下立見。 你地咁想拉寶達線上來,早幾年的確有計劃過就咁拉 13D 13X 上去算數,就當有車去旺角同尖沙咀。但 13X 秀茂坪打摺,13D 更要兜埋觀塘巿中心同牛頭角。對比起今日的 213D 和 213X,大家諗下邊樣先係好? 去返今日,安達安泰入伙,因為人口已達 critical mass,而且道路網配合得宜,所以先支持到一堆獨立新線。再加埋整座觀塘山,又剛好有足夠 critical mass 開辦幾條以前觀塘山發夢都唔敢諗既路線去長沙灣、港島東同沙田。單靠二萬人口,支持一組獨立巴士線,根本是天方夜譚;和安泰以至觀塘半山其他屋邨互惠互利,根本是理所當然。尤其是 214、613 和快將開辦的沙田線,無左安達臣同觀塘山其他屋邨是但一邊都唔會開得成。 安達邨並非運輸署唯一的服務對象。如果安達總站一條線也不能動,安泰同四順的港島東線由有變無(而唔係少左位坐咁簡單),與當日標書及文件為他們給予的期望有落差,又應該如何向他們交代? 至於有街坊要求安泰唔拉得安達線,但要人地拉四順線上去,而四順人口是安達的三倍,則更見荒謬。己所不欲,勿施於人。兩萬人安排獨立線,十萬人共享其他巴士線,亦不符合整體規劃和公平原則。 4. 試想想,如果有一條繁忙時間路線,從安泰和安達往灣仔和中上環,難道不會有效分流 213M 的地鐵轉乘客? 以今天秀茂坪一帶的交通使用情況而論,大家想想如何爭取一條安泰和安達往來中上環和灣仔的巴士線,和爭取 11X 延長至安達及加班(連同預料不會搬走的 213X,維持安達邨有兩條巴士線作總站),方便往返觀塘巿中心和土瓜灣、紅磡的街坊(甚至進一步爭取 11X 東行改經九龍城天橋不停站直達觀塘道,以縮短行車時間),比起將焦點放在如何阻撓安達總站巴士及小巴線遷往安泰總站,難道不是更實際和更有意義?難道不會讓更多安達街坊受惠? |
u-01594-8
揀樓次序: P058613
|
|