我都中咗招，好彩只比咗2千蚊按金，最後只要咗部雜牌抽油煙機，其他取消晒。
話說我係見到晴X電業傳單中有我想要既櫻花牌熱水爐同煮食爐，又話有得分期先去，
去到條友就係咁話櫻花有幾唔好，佢地show出嚟果個唔同傳單上果個款，
我又唔熟d爐具牌子，佢就介紹我話"柏林寶"牌做特價，我話未聽過，佢就:下?柏林寶都未聽過，
以為只係自己唔熟，佢極力說服下都order"柏林寶"煮食爐同熱水爐+一部叫金鑽皇既抽油煙機，
落緊單果陣我話唔係話可以分期架咩，個店員就話唔係套餐列出果d唔做得分期，唯有比住兩千蚊訂，全數約9千。
之後返屋企上網查，先發現"柏林"係大牌子，而"柏林寶"係上網都搵唔到既不知名牌子，而幾經查證，呢個牌子既代理商，只係一間非有限公司既蚊型公司，辦公時間係冇人聽電話，佢地既產品就只得一款熱水爐同煮食爐。好擔心產品質數，呢d有意外死得人架喎，所以叫老公去取消咗煮食爐同熱水爐既單，因為已比咗按金冇得退，所以最後只保留咗抽油煙機。
p.s. 叫老公去因為佢天生一個殺人犯咁既外表 !做呢d差事可以好順利!! 實情佢好溫純架
gd
