香港打工仔 - 其他 - 康樂園 - 休閒天地 - 香港公營房屋討論區 - 公屋居屋綠置居輪候調遷平面圖公務員裝修設計公營房屋第一手資料...

VickYeung

管理員 Rank: 12

心情動態：

來自非公營房屋

2010-06-11 04:14:18 繁简粗

留言#1 此帖子網址

香港打工仔

看更原來識雞腸,　掃地都要寫文章;　學士碩士唔馨香,　因為博士都在場;
人工一定唔理想,　七仟左右已中上;　十二個月無雙糧,　兩年合約要裝香;
一年之內有工返,　已經算係好收場;　開工應該喜洋洋,　點知世態更炎涼;
管理之名樣樣理,　萬人之下一人上;　資源增值好榜樣,　以為發揮你所長;
光管燒左等你換,　影印食紙你遭殃;　電話唔通關你事,　廁所唔通你清場;
電腦壞左要識整,　發現病毒要早響;　食飯最多半個鐘,　大小二便難舒暢;
中港兩地四圍走,　遲早去阿塞拜疆;　仲要出街收爛賬,　朝早做到午夜場;
公司人事要攪好,　唔係就李代桃僵;　對住下屬要讚賞,　對住上司要讚揚;
對待同事要禮讓,　對住老板扮羔羊;　老細個仔問功課,　資料搜集你擅長;
事無大小關你事,　唔識都要頂硬上;　上司老板夠無良,　病都要做鬼體諒;
同事犯錯入你數,　仲要鬧你正粉腸;　開會猶如打靶場,　比人插到啪啪響;
翻開肚皮睇全相,　鬧完仲要拍手掌;　工餘進修係妄想,　回家食飯無商量;
想話請假來休養,　老細塊面屎一樣;　晚晚加班做七日,　唔通個個嫌命長;
日日返工似喪屍,　十足幾年無沖涼;　大假以為好逍遙,　手提電話日日響;
運動要響公司做,　逐箱快佬搬埋牆;　老細生日當娛樂,　週年聚餐齊歡唱;
笑臉迎人裝模樣,　當正自己做歡場;　以上所講無誇張,　全是打工眾生相;
奉勸各位打工仔,　積極求存為至上;　年尾流流高危日,　偷懶都係咪咁揚;
香港打工係咁樣,　大聲疾呼吹Q漲！

祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡

分享分享讚好人數：0查看名單

請按此瀏覽"重點帖子"！