終於睇咗間屋,都係放棄咗!等第二次
原因
1.最最主要原因係樓下街市同二樓商場衛生環境真係好差!污糟邋遢,樓下街市出邊淨係好多雜物隊係出邊阻街,第一感覺就係好污糟邋遢,小弟嘗試行後樓梯上樓,雖然都有裝鐵閘,但樓梯間地下全部都係煙頭,好明顯住係果度啲部分人質素好差,同埋反映出屋邨管理好有問題,不過除咗翠桃樓,其他樓環境都算OK乾淨!
2.睇樓過程中,隔離街坊一路開住個門同埋好大電視聲,但而家係冬天喎,第二,我哋睇樓過程中,呢個街坊聽到我哋開門聲,我哋仲未入屋,佢即刻衝到門口露出個頭嚟睇我哋喎,仲激動過我哋,令我覺得有啲怕怕!!
3.我派嘅係底層,本來以爲係平台上面一層,應該冇其他平台石屎再擋住,點知仍然有一個平台同窗平行,望出去都望唔到樓下條街,只望到個平台,而且,個平台上又淨係煙頭,即係我日日望出去就對住呢啲煙頭!!!好反胃啊!
4.講真,派到呢度,最吸引我嘅就係可以買,阿爸阿媽都好支持我哋買,其實如果環境好少少,唔係太差,我都會考慮要!但今日親身所見,確實大失所望,所以兩公婆商量之下,都決定放棄等第二次!只可惜,做業主嘅希望,暫時破滅了!