香港政府起咁多公屋出來比我地d所謂低收入家庭住係好事,
目的係照顧我地d無能力買私樓嘅普羅大眾,本來我地係應該要感恩添的,
重點係有一小撮未住過公屋的高薪蠢材高官來設計公屋內部設施,
淨係識睇平圖,係張紙上面劃下劃下間下間下就當交貨,
我估計有百份之八十既公屋單位住戶係覺得唔滿意想拆想改,
但當然有一些真係奉公守法的市民會一點改動都無做就照樣係個單位內生活一生一世,
但我個人意見係改d唔重要的,無影響結構的,例如洗面盆太大,而且安裝位置阻手阻腳,
我換細改位置唔得咩, 廚房星盆太高灶頭太低就幾十年都係咁白痴架啦,
當然如果有人想打通個廚房改開放式廚房,又或者拆左廁所幅牆想改開放式廁所,
呢d大改動會影響整座大廈結構就梗係唔得啦,
計我話講環保最好就係叫房署第日起d清水樓,即係咩間格同設備都無的,
然後每戶補貼幾萬蚊比住戶自己設計安裝,唔使比唔多人去違規。。。