好心將舊屋傢俬送比人, 上星期六太大雨改左岩岩既星期六, 約好左下午4:30...食完lunch仲打算洗埋衫先搭車入粉嶺...
點知新物主打黎話搬運突然話有空, 要提早...半小時後去搬...
我就算即刻出門口都要一個鐘先入到去啦...心諗..."唉~算啦...你突然提早咁多, 等我半個都唔都唔過份吧?"
準備出門, 新物主又打黎...話個搬運由黃大仙出發, 叫我不如約佢接埋我...
我打比搬運 : 我係x小姐叫我打黎約你架...
搬運亞姐 : (好大聲) 你講啦!!
我 : 你等我20分鐘, 我去黃大仙搵你呀
搬運亞姐 : 20分鐘咁x耐!? 你係邊度黎呀?
我 : 德朗
搬運亞姐 : 咁x遠!!!! (同時間佢用粗口同佢身旁既女人講話我麻x煩)
我 : 咁你想我點?
搬運亞姐 : 我去接你啦!
我 : 好, 我係德朗停車場入口等你
搬運亞姐 : 唔好啦, 你去晴朗村等我啦!
我 : 晴朗村係邊架?
搬運亞姐 : 攪x錯呀, 你係咪住個度架?
我 : 我搬左黎唔夠一星期, 唔係好熟環境...
搬運亞姐 : 你地2條新村, 你德朗隔離咪晴朗囉!!!
我 : 吓...我隔離村叫啟晴啊~
搬運亞姐 : (挑~) 咪一樣
我 : (我開始有d火) 咁係邊度等你?
搬運亞姐 : 只有一千零一個停車場出入口, 仲要問!
我 : 以我所知好似唔只一個....
(我地講左2分鐘都確定唔到正確位置....)
搬運亞姐 : 到時唔岩出口, 我揮手叫你咪得囉
(離咁遠都揮到手??? 好~ 我就企定定等你同我揮手, 因為我真係好火滾, 唔想再同佢講落去)
**以上對話我已刪除亞姐好多粗口
係啟晴A閘等左15分鐘仲未見有人同我揮手..(好彩無落雨)
搬運亞姐打黎 : 你係邊呀?
我 : 我係A閘囉!
搬運亞姐 : (粗口...) 我係德朗停車場個度呀!!你過黎啦!
我 : (真係忍無可忍) 你玩野呀!我叫你去德朗, 你要我去啟晴, 而家又要我返德朗...
一上車, 搬運亞姐竟然話 : 我搵餐食者, 你客氣d好嗎?
我 : 我有幾唔客氣? 唔係你地突然要提早, 會攪到咁麻煩?
搬運亞姐 : 我好心幫x小姐搬野, 咁而家另有order, 唔通我唔接咩?
我 : 你好心幫朋友, 係你地之間既事
搬運亞姐 : 我同佢唔係朋友啦架, 我接order做野架咋
我 : 你收錢接order仲衰!! 係你突然提早幾個鐘, 更加唔應該鬧個客麻煩囉!
上車無耐, 搬運亞姐就關左個冷氣, 打開我個邊既窗, 吹到我頭都甩...
入隧道都唔肯開番個冷氣, 我自己關左我個邊既窗, 佢依然唔肯開冷氣... 大家一齊焗~
故事還未完...樓下貼再續...
本帖最後由 C9Joyce 於 2014-05-19 13:04:03 編輯