|
心情動態：
來自啟晴邨 |
關於大頭熊篇"賓館持牌人"我有嘢想講
上樓後我雖然都會上來CY行下，但都好耐冇發表過嘢了，今日見到大頭熊篇文覺得好好笑，心血來潮想講幾句。
大頭熊我諗你搞錯了，相中果個女人係住康晴樓㗎，佢係有小朋友，不過冇讀中學咁大，大果個讀k2，細果個先一歲，據我所知相中男人係佢老窦，月頭相中女人返湖南外家，早幾日返來帶佐父母同D親戚過來玩，玩完准備返大陸。 大家係唔係覺得奇怪我點會知咁多咧！因為我囡同佢個囡之前一齊搭校巴返學㗎，我同佢都尚算傾得埋，覺得佢個人都算oK，好熱心幫人下，對佢家庭情況都有多少了解，話佢哋打尖我就唔敢講佢會唔會，但話佢係咩德朗賓館揸弗人就一定唔係囉，因為我上過佢康晴樓屋企，個阿叔係大陸人，哩幾日先過來玩嘅，根本就唔會係德朗居民喽，所以頭先睇到張相見到個女人熟口熟面，再睇返大熊寫段文，真係差D笑噴！  未落實就唔好作得就作喇！ 引起大家猜計同矛盾！其實我哋哩兩條邨確實有好多新移民，D新移民上佐樓之後會帶D大陸屋企人來玩都好正常，希望大家唔好太過敏感，見到操國語或鄉下話（雖然我都唔係咁中意）果D就以為來住賓館！  特登開個新主題俾多D人睇到了解到真相，其實哩度成日有人寫到我哋啟晴哩度果度唔好，但我想話難道其他新屋邨就冇新移民？佢哋就唔會有這樣那樣嘅事情發生咩？但講嘅人真係冇幾個，睇返我哋啟晴就真係幾乎日日都有人呻！係我哋太過敏感定真係咁難包容咧！我哋啟晴都算係公屋樓王，咁好咁靚地方，俾人講到九龍城嘅天水圍我真唔開心，真唔想成日見到有人呻唔好，希望各位邨友發放多D正能量，唔話再話自己條邨唔好喇！ 小女子不才，唔多識寫文，只係講出自己心聲！不喜勿插！ |
||
|
|
|||
|
心情動態：
來自非公營房屋 |
都市傳聞 講黎講去都係個啲 上網講有鬼用咩 直接同房署報串啦
 咩疑似賓館睇到煩 又冇證據 又要鬧政府 為咩呢其實 |
||
|
|
|||
一
|
心情動態：
來自啟晴邨 |
|
||
|
OH YES IT's FREE 無人駕駛自助傢俬徵送
新界2, G124xxxx, 08 年入表,審查2次時間唔記得,3次不受歡迎屋,2次寶田,13轉市區,^_^竟然得左 啟晴.
|
|||
