回應 #11 pcah
因為趕住升小一前派樓, 我仔已讀I 位, 想係佢想小學前搵間對自閉仔好既學校, 讀讀下又轉區, 人地未必收, 又未必會咁包容佢地.
明未?
因為租金已過收入一半, 仲要養2個, 一齊升學, 仲有個特殊仔要返訓練, 等左4年半都未審查, 所以樓細對我地黎講係唔緊要, 慘得過冇錢交租同唔知幾時比人趕走?
我諗係咁上下小小既原因, 所以唔少人都會食你地所謂既骨,
(都係果句啦, 個仔蠢, 比成千呎佢, 個仔都係蠢
個女聰明, 比張BB 桌佢做功課都自動波搞掂)
可能我以前一家5口, 住開舊長型果隻二百幾呎單位, 覺得OK
依家, 比5,6千都係得百幾呎既私樓劏房, 咁公屋, 相對黎講, 真係非常唔錯,
而且, 冇咩野係永遠, 間公屋係租, 可能公屋富戶要走(其實好事, 即係有米左)
又可能樓上樓下火燭, 隔離兇案, 住舊公屋, 阿婆多雜物, 養左大批小強出黎, 日日入你屋
睇下新屋邨, 發生槍擊案, 隔離左右搬走哂, 明明係新樓, 仲係樓王, 又豪裝, 最後咪又搬.
住舊樓, 廿年後可能要拆, 比番間新既你
比個大單位你, 十幾年後, 你都望你仔女有能力搬出去架LA, 唔通成世同你屈埋一齊住?
佢到時有家庭, 望都望佢出去發展, 唔通佢又成家屈番入間房仔.
到時人又少左, 比D 人性, 唔好咁自私, 交番間大公屋出黎比有需要既人, 2老搬番去D 細單位比人住
再者, 如果我係等多一年就派樓比我, 我都等下, 等4年5個月, 諗住新界係最快, 點知審都未審,
洪水橋果度post 話我應該冇可能派到, 所以係我之前既NO. 唔想揀特快舊樓, 可以轉新界拎新樓~