鄰居係一對好特別既夫婦，間屋要房署幫佢改裝過先住，佢又係好活躍「投訴」，據講住佢附近既人都會有幸感受到佢既深厚「功力」

我講下我地個單位先：
1. 吉屋時話我地半夜好嘈，講野好大聲 ..........屋署即黎家訪視察、影相
2. 吉屋時半夜有鑽嘢聲，話我地鑽牆、鑽地野    (問過其他鄰居，無人聽到有呢d聲).............................屋署又即黎家訪視察、影相  

3.  夜晚7點吸塵，又投訴太嘈，看更上門要求唔準吸

4. 平日朝早10點 (我仲訓緊覺 )，看更上門瘋狂按門鐘問我地有無鑽牆，因為有人mark左我地個單位投訴，佢地要搵唔音來源，答完無佢就走左。
    11點，又瘋狂按門鐘再問同一問題
    12點，又瘋狂按門鐘再問，因為佢每個鐘都投訴。
   (人地日頭鑽野都唔得？！平日朝早喎！)

5. 因為呢位鄰居係mark 個單位投訴，指明我地鑽野，呢樣野每星期都發生。第四項不斷案件重演咁投訴，我唔開門就收房署電話，(如果唔聽電話，佢地會call n次 + 留言)問我地有無鑽野。我答完警告唔好再因呢樣野按我門鐘，叫佢自已報警 點知佢話佢地有責任搵嘈音來源

待續本帖最後由 az 於 2015-01-31 02:52:13 編輯

6. 有次朝早11點，我朋友到訪幫我安個層架之類既野，total鑽8個籠，鑽左2個孔時收房署電話 ...........我個fd話算啦，去食飯先，怕左佢 。2點番黎鑽埋其餘6個孔，結果剛鑽完，房署即刻上門影相家訪，仲好鄭重講：「因為鄰居好怕嘈，你日後要鑽孔請先通知屋署，等房署問準呢位鄰居，等鄰居安排好你地鑽牆既日期、時間先可以」

你無病呀，鑽個層架都要等鄰居批準

7. 有次，日頭看更又發揮瘋狂式按門鐘，答完佢無人鑽野後，忍唔住落大堂嘈，日光日白有人鑽野都按我地門鐘，點知看更勁火話：「你地唔好再鑽野啦，我宜家警告你地，人地指明你單位發出嘈音，唔理日頭完夜晚都唔得，你地再鑽野就告你」
結果又嘈黎 ，乜肯定我地個單位鑽野咩？！
後記補充：呢位座頭看更第一日黎我座樓，所以唔知呢2位「頂頂大名既人士」既慣性。

8. 一家幾口夜晚去完街回來，見到個看更呆企係到，問下做乜，原來鄰居又報聲聽到嘈，不過呢個看更好醒，無按門鐘，只企係到聽下
9. 過一排又收到房署電話，問我地單位有無做緊工程，有無打緊樁  (死啦，忍唔住爆佢，係咪IQ題？ 到底派左幾多呎單位俾我地？打樁？ )

10. 有時又收電話問我地昨日幾點有無開過鐵閘出門

11. 一陣又收電話問我地夜晚有無去過廁所，有聲，太嘈.............刪下數百字................去廁所都關佢事？

12. 星期日下午，屋企得一個人，開罐汽水坐係到休息下，連電視都無開，結果又中，唔好意思，罐汽水把口剛才俾我整痛左，，拍左一聲咁叫，一定係太嘈啦

#6繼續本帖最後由 az 於 2015-01-31 06:32:31 編輯

你鄰居好變態

你鄰居係咪有幻聽呀,不過好彩佢搬左,如果佢繼續住,遲早比佢搞到精神衰弱

你鄰居好變態, 但管理處更奇怪.

最後呢對夫婦成功申請到調遷，調左去德朗 (都係唔講太多，原先佢2人係住緊3-4人單位，宜家應該會仲理想。 )  
平日d看更對佢地好好招乎，好有禮貌，好客氣，見佢地出入會「衝」出黎去招乎開門，親切殷勤服務 本帖最後由 az 於 2015-01-31 08:55:45 編輯

傻的嗎？佢搬去青山呀？佢一定有幻聽啦！
買私樓都無咁好服侍更何況公屋
不過啲食蕉都有問題啦要其他鄰居就1戶傻嘅
你忍耐力都算勁辛苦你喇！

已經精神衰弱中，電話會俾房署call爆機，門鐘成日瘋狂式響

佢搬左去你條村，或者日後有機會見識到

都話呢位鄰居功力深厚，我已經同房署、看更嘈過，仲火到落樓下大堂罵過