02年尾我爸爸出現問題了, 本來還是一個的士司機的他, 那年冬至他本來回鄉探親, 點知一返到去就暈, 在醫院先打1支針同吊左鹽水, 好點了由我香港的兩個姑姐趕上去接他回來. 沙田威院說他是中風, 幸好當時只是輕微. 當時仲可以行, 可以講說話的他只有在家休養. 03年頭. 情況差了右邊身體癱瘓, 說話越來越不清楚, 照左幾次腦掃瞄都話無事, 點知做磁力共振就搵到原來唔係中風, 係淋巴瘤. 仲要話已經到左唔割唔得既地步. 手術照做, 不過正是沙士期間不准探病, 可憐佢一個人在醫院過了幾個月. 回家後呢幾年雖然都係說話唔清楚, 行動不便, 不過頭腦很清醒, 從他表情看來, 他是知道我地做緊咩.
搏鬥左4年, 那個瘤番發, 在一星期內變得反應很慢, 很想喝我買給他的朱古力奶, 不過已經無力再拿, 接住在醫院過一星期就走. 走之前我媽媽, 姑姐當時在醫院, 見他好點就行開吃午飯. 就在那個時侯醫院找我說老爸不行, 我媽電話唔通. 好辛苦先搵到我媽, 咁啱我媽手機撞熄左, 前後20分鐘不到我趕去醫院, 當時的士只是差個轉彎就到醫院, 點知我媽媽打來說剛剛走了. 我當時好恨點解唔等多我一陣見埋我先走. 後來跟朋友說了才明白原來佢唔想我地傷心先靜悄悄離開, 對佢亦都是一種解脫!!
我最遺憾是我爸小時應承帶我去啟德遊樂場玩, 不過一直沒去過, 以後都沒機會. 我遺憾是他沒享受過人生, 走的時候才70歲.
所以希望bda你同你家人都開心面對啦, 唔係你媽媽會走得唔開心架.