【on.cc東網專訊】一度引起全城瘋搶的新居屋開售至今1個月，截至本月19日(周五)，卻只售出999個新居屋單位，佔整體2160個單位不足一半，當中693個是綠表買家，306個是白表買家。新居屋的揀樓情況出現嚴重「甩底」，以周五為例，120人獲邀揀樓，只有76人到場揀樓，出席率只有6成3，最終只有60人成功購買單位。明日將會有120名申請人獲邀揀選居屋單位。
新居屋超額認購60倍，但到付鈔購買時棄權者眾。公屋聯會主席王坤分析，今期居屋銷售情況有別，以往大多只有綠表棄權，但今期白表亦有不少人棄權，估計或與年底推出的綠表置居計劃有關，「唔少白表其實住緊公屋單位，如果綠置居的售價1百多萬，同新居屋都有好大段距離，會唔會留返個機會呢」。另外，他亦推測與現時樓價高企有關，要負擔3百萬元的單位始終吃力。

新居屋認購爭崩頭 白表揀樓卻近6成甩底

政府去年底復售居屋，市民排隊遞交申請表的場面墟冚，錄得破記錄超額認購62倍。房委會上月起安排幸運兒揀樓，惟事隔一個月，卻出現「有樓冇人揀」慘況。當局最新數字顯示，截至上周五(19/6)2,160個單位僅999個成交，即逾半仍未賣出，以往較心急「上車」的白表申請者，高達58%放棄揀樓機會或缺席揀樓；綠表「甩底」者也高達36%。

今期新居屋接受申請時，吸引大批人爭崩頭遞表，房委會上月21日起，安排合資格人士揀樓，但銷情慘淡。以上星期四為例，當局邀請120人出席揀樓，但最終只有69人出席，多達43%中籤者「甩底」，當日更只有61宗成交個案，綠表及白表分別佔41及20宗。

新居屋銷情較預期差，綠表準買家林先生首次抽居屋就中籤可揀樓，但他最終決定放棄購買居屋機會，選擇申請綠置居。林先生一家三口現居沙田公屋，他原本計劃購買美柏苑，「好多高層、靚座嘅單位都被人揀哂，其他嘅低層、景觀唔好都要成200幾萬，我哋公屋居民依家有得揀(綠置居)，價錢又平成半，寧願等綠置居，居屋就唔買住啦。」

綠表申請人曾先生就「扑搥」以逾200多萬購買尚翠苑一個高層單位，他坦言女兒剛出生，即使每月要月供1.5萬元，仍決定做業主，「無理由抽中唔要架，雖然供樓都有啲吃力，但我哋都唔會死霸住公屋，買咗居屋其他人就可以受惠。」

今期居屋有不少幸運兒「甩底」，曾先生笑言：「可能佢哋股票賺到舊錢咪買私樓囉，我有舊錢都買私樓啦！」至於白表買家梁先生就購入美柏苑，「今期居屋好貴，但私樓仲貴，抽中就會買。」

房委會資助房屋小組主席黃遠輝承認，今期新居屋銷情較預期差，與當初「爭崩頭」認購的情況有明顯落差，而原訂下月可全數售出居屋的時間表應要推遲。今期居屋白表申請者放棄揀樓或甩底的比例高達5成，他估計，因為今期是出售居屋樓花，業主要2017年首季才可入伙，令到「大家有啲保留」。他指樓價也影響中籤人士揀樓意欲，「好多人對樓價持觀望態度，唔知升定跌，佢哋要睇定啲先決定買唔買」。至於新居屋錄得超額認購，但卻出現「有樓冇人揀」，他估計，「申請時成本唔係好高，唔抽好似唔著數？就一窩蜂去交表？」

翻查記錄，居屋銷情差可追溯至08年在金融海嘯期間，房委會推售貨尾單位，首日開售竟多達六成申請者「甩底」。而今次居屋的售價是按去年8月市價7折來釐定，根據中原城市領先指數，去年8月至今年4年整體樓價上升12%，若參考中原城市分區指數，5個屋苑所屬的新界東及新界西，分區樓價分別上升近13%及15%，變相增加轉售成本。

玩野

點樣可以知道現時去到咩輪候號碼?我排第25500唔知會唔會有奇蹟

居屋真是貴到癡線，月供$15000真是唔係綠表戶個個頂得順

回應 #7 Kenny315
是否最多只可分20年供？可以更長年期嗎？

[不要啦]

Wa