|
心情動態：
來自美東邨 |
教你醒目快速玩《荔園》攻略
 擁有 66年歷史，曾經陪伴一代香港人成長的荔園將會係聽日晚上 6點重開，今日我依莉詩就率先去左試玩。現在就得我同大家介紹下有咩好玩啦！  齋行打卡路線 因為今次係免費入場，加上荔園主打懷舊，相信會有唔少成年人去懷緬過去，加上除左攤位同機動遊戲外，園內亦有 6個免費景點，包括「荔園城堡」、「電子哈哈鏡」、「好時光收集箱」、「Xbox One 激 Fun 遊園地」、「小露寶蛋糕」同「卡通大尋寶」，包保你就算唔俾錢都可以消磨半日時間。而小編現在就帶大家用最低的消費，去齊荔園必影既地方啦！  1. 荔園城堡  係中環犘天輪旁邊，見到一座以昔日荔園城堡設計，塔頂紅、藍、綠三色，上面有紅色霓虹燈寫住「荔園」兩個字，左右兩邊大門有老虎標記的，就係荔園的大門口，嚟到當然要影番張相啦！不過記住呀！今次的路線係唔會行番轉頭，所以唔好諗住走先影呀！ 2. 吸蕉大笨象  聽媽媽講過，以前荔園有隻大笨象叫 TINO，不過後尾死左。現在係入口就有一隻同樣叫 TINO 的機械大笨象歡迎你。當然就要同佢影番張相啦！其實呢隻象仲識張開口食蕉同噴水，吃完蕉仲會痾 popo 添。如果你有興趣既可以俾一個代幣去餵下架！但小編掟左 4籃蕉，得兩隻中咋！ 3. 小露寶蛋糕  荔園今次除左重現好多經典遊戲，仲加入左 6個經典卡通人物既元素係會場。其中一個就係 80後個個都識既小露寶，係淘氣小木馬後面就係小露寶蛋糕啦。為慶祝荔園 66歲生日，4層的蛋糕上，放左 66隻小露寶公仔，快 D 同佢地影番張靚相啦！ |
||
|
美德是我家.
願事事順利！！！
|
|||
|
心情動態：
來自美東邨 |
4. 滑稽恐龍屋
 呢隻 Bling Bling 眼既恐龍相信唔少 Wire 民都見過，俾起以前個隻就係可愛好多。原來佢條尾係瀡滑梯，只要俾 5個代幣就可以係 5米高既恐龍尾巴瀡落嚟，不過今日落雨，而且小編覺得唔太抵玩，所以無試到。 5. 好時光收集箱  好時光收集箱係一個都算幾大，又有冷氣嘆既好地方，行到熱就可以去參觀下。當中分為 4部分：「露天活動區」擺放左昔日荔園既木馬；「光影展覽區」展出左昔日香港的相片；「藝術區」就展覽左本地藝術家作品；「科技區」設有 Xbox One 同電子哈哈鏡。  ▲ 「露天活動區」擺放左兩隻昔日荔園既木馬，可以睇到木馬既顏色已經脫落，變得好脆弱咁。  ▲「科技區」有一部遊戲機玩，小朋友可以係度玩下馬仔！  ▲ 電子哈哈鏡用左 AR 技術，只要企係鏡前就會有動物頭飾帶係頭啦！  ▲ 「光影展覽區」展出左好多昔日香港的相片，當中唔少係小朋友係昔日荔園玩的開心相片，唔知有無一張係你呢？ 6. 荔園大舞台  嘆完冷氣可以去對面既荔園大舞台，舞台佔地 1,540平方米，可容納高達1,000人，而且大部份的活動都係免費，包括工作坊、分享會、歌舞表演等，日日唔同，小編呢度唔多講，要知道有咩就留意荔園 Facebook 啦！ |
||
|
美德是我家.
願事事順利！！！
|
|||
|
心情動態：
來自美東邨 |
快證玩樂組合
如果行行下免費景點，想玩下機動遊戲同攤位，除左可以散買 $10 個代幣，亦都可以買快證。一套兩人快證 $680，包兩條快證手帶、兩份紀念品同 40個代幣(總值$400)。有快證唔洗排咁長龍去玩 12個遊戲景點，包括：「魔靈小學」、「盞鬼碰碰車」、「百厭滑梯」、「新巴城巴(開心列車)」、「吹漲動物園」、「佻皮城堡」、「鬼馬飛天椅」、「夏日溜冰場」、「翠華咖啡杯」、「滑稽恐龍屋」、「淘氣小木馬」、「快樂叮叮船」。小編就同大家揀左 5個最值得玩既遊戲，一於用手上有限的代幣去玩盡佢啦！  1. 最懷舊快樂叮叮船  快樂叮叮船同昔日荔園的叮叮船 size 同顏色都一模一樣，可以讓成年人重拾童真，為小朋友創造回憶。一次得 6架船，而每隻船只係可以坐兩位成人或 4個小朋友，最結無快證，隨時要等到 2046 先有得玩呢！ 收費：成人 4個代幣 / 小童(6 歲以下) 2個代幣 2. 最恐怖魔靈小學  成日聽人講荔園鬼屋好恐怕，今次魔靈小學以香港鬼校的故事為主題，保留了昔日荔園鬼屋的驚嚇元素之外，仲加入左 AR技術、LED影像同投影技術，非常驚嚇。 收費：8個代幣  ▲小編同朋友 YoYo入左去之後黑到咩都睇唔到，真係好鬼驚！雖然唔洗 5分鐘既路程，要成 8個代幣入去一次真係有D貴，不過係同有意思既異性朋友一齊去既話…(你懂的) 3. 最盞鬼碰碰車  雖然話碰碰車之嘛，海洋公園都有得玩啦。但係次次去海洋公園都要排長龍先玩到，今次你有快證波，又點可以唔玩呀？ 收費：成人 6個代幣 / 小童 (8至12歲) 3個代幣 |
||
|
美德是我家.
願事事順利！！！
|
|||
|
心情動態：
來自美東邨 |
4. 最開心新巴城巴
 新巴城巴係一架迷你火車，全長 196米，沿途可以飽覽「鬼馬飛天椅」、「快樂叮叮船」同「經典掟階磚」，小朋友坐上去一定玩得開心！ 收費：2個代幣 5. 最繽紛動物園  以前荔園有個動物園，依家就有個吹脹動物園。獅子、老虎、大象、長頸鹿、猩猩等通通變成氣球等緊你！ 收費：成人 4個代幣 / 小童 (6歲以下) 2個代幣  ▲ 咪以為氣球動物易照顧，要維持每隻動物都造型神似，原來要兩星期大修一次呢！ |
||
|
美德是我家.
願事事順利！！！
|
|||
|
心情動態：
來自美東邨 |
6. 大攤位之最
如果厭機動遊戲太小朋友，又想係女神面前大展身手，呢度有 22個攤位遊戲，每局 1-3個代幣不等，而每個遊戲都設有細、中、大、特獎，當中包括 6個經典卡通人物的公仔。 1. 最懷舊攤位－經典掟階磚  玩法：講到荔園最經典的攤位遊戲，當然係掟階磚啦！只要將代幣拋向階磚，唔擲界，就可以獲得綠箭香口膠及香口膠紀念品。 Tips：呢個係靠少少技術加少少運氣，對準一格階磚，將代幣向上拋，唔好咁大力，就有機會中。不過要小心唔好拋錯中間個大洞啊！ 收費：一個代幣掟兩次 公仔吸引度：3/5 遊戲難度：3/5  ▲ 掟中最多既白色就有香口膠一排，黃色就有鐵盒，橙色就係咕臣。  ▲ 睇泥我今日既運氣唔太好，掟左十幾次都無個中。 2. 最搞笑攤位－飛甩雞毛  玩法：將雞毛掃投入唔同顏色既花瓶。 Tips：花瓶好輕，而雞毛掃好重，如果將雞毛掃打斜投，花瓶好容易企唔穩。所以最好係將雞毛掃輕輕垂直向上拋。 收費：2個代幣 4支雞毛掃 公仔吸引度：2/5 遊戲難度：4/5 |
||
|
美德是我家.
願事事順利！！！
|
|||
|
心情動態：
來自美東邨 |
 ▲ 成支雞毛掃飛埋去，真係好好笑。 3. 最講力度攤位－大力金剛棒  玩法：用捧球棍打出漢堡包指定既層數，並令頭、尾站穩地上就有獎品。 Tips：就係要對準，之後大大力打！ 收費：2個代幣 打 4次 公仔吸引度：2/5 遊戲難度：3/5 4. 最講技巧攤位－足球小將過 3關  玩法：成功踢中指定方格或成一直線。 Tips：踢最低個行最簡單，一於先踏最下三格吧！ 收費：3個代幣 踢 6球 公仔吸引度：4/5 遊戲難度：2/5  ▲ 唔中都唔緊要，攤位旁邊有足球小將既公仔俾大家影相呢！  ▲ 踢波記住要著番對波鞋呀！ |
||
|
美德是我家.
願事事順利！！！
|
|||
|
心情動態：
來自美東邨 |
5. 最貪靚攤位－我係小忌廉
 玩法：掟出星星木碟﹛成功掟入洞口。 Tips：借拋物線的原理掟出出去，對準同自己視線水平下少少既洞掟出。 收費：3個代幣 6塊星星木碟 公仔吸引度：3/5 遊戲難度：3/5 6. 最吸睛禮物攤位－圈中小露寶  玩法：成功將圈套係小露寶，而令圈圈全放係枱上。 Tips：呢個 AIA 嘉年華個陣都有，不過就易玩好多，算係禮物最靚，又最易中既一個攤位。拋既時間盡量令圈垂直落就 OK。 收費：3個代幣 6個圈 公仔吸引度：4/5 遊戲難度：2/5  依莉詩試玩後感：「岩小朋友玩多D！」 今次荔園係中環海濱重開，地方一定無以前咁大，好多刺激既機動遊戲，例如過山車都無左，大多都係俾小朋友玩，應該令唔少年青人失望。而另外一樣失望既就係 D 攤位遊戲既禮物，除左小露寶公仔比較吸引之外，我係小忌廉同足球小將的獎品都唔太特別，其他個D就更加唔洗講。如果要用同 AIA 嘉年華一樣價錢去玩，吸引力真係唔大。值得讚既係，佢免費入場同埋有免費景點，而且主打懷舊，入去一家大細行下都唔錯。 地點：中環龍和道9號中環海濱活動空間 （免費入場） 開放日期：2015年6月26日玩到9月初 （首日 6點開幕） 開放時間：上午11時至下午11時 |
||
|
美德是我家.
願事事順利！！！
|
|||
|
心情動態：
來自美東邨 |
|
||
|
美德是我家.
願事事順利！！！
|
|||
回應 
