鬼節送6呎貨到殯儀館 司機喊驚
【on.cc東網專訊】今日為農曆七月十四俗稱「鬼節」,相傳是地府「過關」高峰期,怪事特別多。有駕駛客貨車的網民接到1宗嚇人「柯打」,客人列出目的地竟是殯儀館,同車貨物更疑似棺木,不禁令人思疑:「唔通真係咁邪?」
網民Ka Tsun Tsui在facebook群組「客貨車司機工會~~副版」表示,通過手機應用程式接到1宗「柯打」,客人要求由尖沙咀前往鑽石山,願付60元車資,惟細看「柯打」細節,該行程最終目的地是殯儀館,且有「超過6呎」的貨物同車,在鬼節時刻提出如此要求難免令人覺得「相當有嫌疑」,發貼人見狀亦忍不住爆粗:「唔X係車咸魚掛?」
貨物涉及疑似遺骸自然令人避忌,有網友笑稱此種怪異要求「搵鬼去」,亦有人安慰發貼人倘願出車或有豐厚報酬,「可能有1000(元)利是」定驚,惟需記得一定要出「凍車」。不過亦有網友認為發貼人或是「諗多咗」,並引述貨車司機的經驗,稱曾被客人要求由鑽石山火葬場前往和合石火葬場,本以為是「燒唔切」才要轉場,及後發現原來對方只是運「看更亭」;有人推測客人或是想運送花牌或金銀衣紙等供品到殯儀館,並非有意難為發貼人。
網民有話說
Jonathan Wan:有無餡㗎
Yuen Chun Man:我上次「加急」車個骨灰龕去鑽石山火葬埸,可能啱啱燒完發覺唔記得拿個龕去裝
Ck Kenny So:有可能係車金銀衣,紙類供品啫。
Tim So:花牌,好多人去唔到或是做貴價花牌會係紅磡頂,後送去
Issac Leung:要凍車