千其要考慮清楚呀！因為我收到藍咭個時係2006年2月17日，到咗2008年6月收到房署嘅信話可以選擇市區，咁我哋梗要啦『市區』喎！等到2009年3月收到通知信已經改為市區(包括香港/九龍)，到09年9月有配房通知信派去「順天邨」……嘩！有成3X年樓齡，大過我啦，我點要得落呀？！房署話係不合理嘅拒絕，當一次。跟住到09年11月因為亞女要選中學，所以又改番擴展市區，到10年1月又有配房通知派「象山邨」，噢！有29幾年樓齡……又拒絕啦……比番個理由房署，哈…今次當我係合理嘅拒絕，唔算數喎！到10年5月又收到配房通知，派「逸東二邨」仲要係1樓……有冇搞錯！唔要呀……咁就無咗兩次機會啦！吹脹◎☆▲房署好似玩嘢咁……又到今年2月又有配房通知，今次係「葵聯邨」，嘩！正呀！仲唔「拿拿淋」要咩？！點知簽完意向書又要等到6月14日至有得攞鎖匙。嘩！由確認申請到簽意向書足足「5年」啦！但係，據我所知，好多擴展市區嘅No.都後過我，但都已經收咗樓喇！唉……不過都過咗去喇！如果你哋想轉『市區』，雖然而家好似有好多新公屋起梗，不過輪候嘅申請相對又係多咗，咁你哋真係要諗清楚呀！
歡樂香江
幸運星
