9月21日比匙佢,話10月10日做完間房牆身地磚,18日前做埋地台,浴屏,廚櫃裝燈比我地, 又問我預幾錢, 話咗條數得咁多又係佢自己話無問題, 而家我都入唔到去住又餘仲要搵其他師傅執手尾, 攪咗咁耐做過乜呢?!間房,地磚,牆身,呢3樣都唔係佢做既就無問題吖, 下面個D自己唔係做開就唔好搵我間屋黎攪
第一, 做地台,佢話無問題佢同我做, 原來自己買板做, 個或唔夠板就兩邊攞平就算, 油壓鉸又無佢係咪諗住我成塊攞起?
(我同老公一直以為佢搵人做,上次見到直頭想死,台面老公仲要比錢買板重做個台面,唔做過唔見得人)
第二, 兩個房門又話自己整, 扑X街, 門都未見過, 而家搵其他師傅睇下做唔做到, 做唔到就PK, 牆都間完. (我兩細房門係比出面D細,而且要上磚做暗掩門)
第三, 冷氣,問佢自己裝定叫人裝, 又自己黎, 我老公幫埋手全日只裝咗1部3/4, 仲有兩部未,佢係咪諗住一日一部?
第四, 叫我10號前攞埋D燈叫師父裝, 到而家盒都未開過
第五, 廚櫃上面做咗,下面只得櫃門? 雲石枱係旺角買都唔使咁貴,收我六千幾只係枱面咋!
第六, 浴屏, 我要三摺,佢話中間個位細入唔到去沖涼,問可唔可以改左/右開門? 你都傻既,個個都裝到你裝唔到?咁你就唔好同我買喇, 而家攪到去廁所位好迫
第七, 電線水喉原來只做咗一半, 尋日裝寬頻先知, 你話死唔死?
大致係咁多,細節都未講, 我老公發皮四話佢, 第二日執野走人,電話唔聽, 仲叫人SEND張單叫我找數, 成張單你只係做過幾樣野仲要唔係你做,係泥水工錢,其他買野錢多過做, 仲好意思收多我三萬幾?!你真係當我低能架?!
我老公叫你阿媽做契媽, 我老公當你係兄弟而且你一直都係做裝修, 所以咁信任你, 而家親戚都唔使做, 你自己攪成咁你阿媽打黎同我地講個日比我老公話比完,當晚唔知發乜神經, 比人送去精神病院,醫生仲話無咁快可以出黎, 我地唔知你有呢個病唔可以比人激喎! 何況你做野做到咁, 比人講好正常, 錢我唔會比, 我而家仲要比錢住酒店都未同你計, 另外搵師傅執手尾又要比錢
你係一個傷殘人士(工作傷咗隻手斷神經無知覺舉唔起), 而且又話隻腳成日痛開唔到工, 又有精神病點解又可以渣車呢? 自己做唔到既就唔好攬上身, 無咁大個頭就唔好帶咁大頂帽本帖最後由 pinky002hk 於 2015-10-27 11:17:43 編輯
