回應 #6 yee
2009年落馬洲六死車禍係香港一單致命交通意外,亦係香港醉酒駕駛最出名嘅法庭案例之一。呢單悲劇發生之後政府出咗好多計仔去對付酒後駕駛。
落馬洲6死車禍發生嚮2009年1月23號農曆年廿八朝早。當時揸貨車嘅司機羅少權同一架新界的士迎頭相撞,的士5個乘客,準備去落馬洲地盤返工紮鐵,同埋個的士司機全部死晒。
事後,特首曾蔭權到現場關心單嘢,死者家屬跪地求特首,拜託香港特區政府要「做好你份工」。
事件連日來成為香港報紙頭條新聞,幾乎每段電視同電台新聞,都有追擊報導事件各方反應,包括政府首長:香港特首曾蔭權、香港警務處處長鄧竟成、勞工及福利局局長張建宗、運輸及房屋局局長鄭汝樺同各死者家屬。