|
心情動態：
來自非公營房屋 |
【是他。也是你和我】
 今天報紙新聞，指單身輪候公屋的名冊，有一萬多人因為種種原因被剔除在輪候名單之列，促使我將這真實故事告訴大家。 大家一定有排過巴士，如果大家排隊等左半個鐘頭，到巴士快到站可準備上車，站長突然將巴士站改位，要你再排過，但一等便要再等多半個鐘頭，當你乖乖地再排多半個鐘頭，站長重施故技再「搬龍門」，你的感受會如何？ 如果事情唔係等「巴士」而係輪候「公屋」、時間唔係「半個鐘」而係「11年」，期間「巴士站」不斷改位，都唔知自己何年何月才上到「巴士」，你處境將會怎樣？你到底會唔會發癲？ 這一位無家朋友手上的字條，就是告訴大家，現在香港政府一個極之不負責任、荒謬絕倫的事實。這一位40多歲的無家朋友，輪候公屋已經11年！係11年！係足足11年！ 他氣憤地告訴我，早年他有118分，而輪候單人公屋需要大約150分，後來房署「計分制度」改變，改為230幾分才可上樓，當時佢有148分！換句話說，如果「計分制度」唔改，他就快可以上到樓，結果他只好默默承受繼續等待。（連118分和148分這些數目也記得咁清楚，可想言之分數對他來說是多麼緊要！） 到今年年初，房署的「計分制度」再次改變，單人公屋竟然改為428分！而當時的分數為231分，即係原本仲爭少少就可以上樓，結果上樓的盼望又再次破滅！按照這樣的「搬龍門」的「遊戲規則」，他冇60歲都唔使旨意會上到樓！ 如果你係佢，你會唔會發癲？我唔止會發癫，真係想殺人！ 這位無家朋友，過去的日子只敢做唔超過入息限額的工作，因為一「超額」就「好大件事」，結果自己只能做散工，因為根本不能應付租金開支，所以長期寄居在麥當勞，而他認為自己好後生，堅持拒絕領取綜援，結果就搞到自己過着漂泊的生活！ 政府呀政府，你知唔知道你哋坐在冷氣房，收緊三四十萬的特區高高高高高高高官： 你們知不知道，你們高薪厚祿需要付什麼的責任？ 你們知不知道，基層的人士是如何活在水深火熱之中？ 你們又知不知道，你們「彈指之間」的決定會令幾多人受苦？ 現實告訴全香港人，你們真的什麼都不知道！又或者說，其實你們是「扮」不知道！ （我真的感到奇怪，其實咁大件事，到底有冇記者跟進這種荒謬的事，又或者有冇人進行司法覆核。） |
||
|
2004-10
|
|||
|
心情動態：
來自安達邨 |
689淨系擦亞爺嘅鞋，爭取連任，哪管窮人死活，睇吾到，聽吾到。
香港人嘅悲哀 
|
||
|
命裡有時終需有，
命裡無時莫強求。
|
|||
|
（帳戶名稱被屏蔽）
|
我等左11.5年...單人公屋..我無家好差既sleep area..我no 工作.要自己租屋根本冇可能.又冇得入公屋... toda... 
|
||
|
|
|||
