|
心情動態：
來自非公營房屋 |
【壹週刊】天馬苑臭到冤》
領展三億賣走商場 管理不善臭氣薰天
 領展（0823）近年開始將旗下商場及車位資產變賣，令居民叫苦連天！今年初，盈信控股（0015）主席魏振雄以3.08億元購入天馬苑商場及車位，較3月時市場估值高出百分之30，新業主今個月陸續接手商場，問題亦隨即發生。 天馬苑商場的店主就指出，新業主除了將未有與將滿約的租戶接洽，令他們無所適從，更因管理不善，導致垃圾問題叢生。前幾天因水池淤塞問題，令商場臭氣薰天。附近租戶直指：「啲味好似死老鼠，臭到啲細路唔敢行埋去！」 在天馬苑開設琴行的Ms Chow透露，上月中收到領展通知，6月開始新業主就會接手商鋪，就沒有再收到任何進一步消息：「我喺依度租咗兩個鋪位，其中一間份約今個月中就完，但係新業主完全無同我哋傾之後租金係點，仲租唔租俾我哋。」Ms Chow多次要求與業主聯絡，都不獲回覆，要求領展協調亦不獲受理，令她大感氣憤：「喺到都租咗好多年，租金加加埋埋都加咗成倍，都預咗新業主會加租，但係依度都係做街坊生意，加得多都惟有結束，但依家十問九唔理。」 Ms Chow直指，新公司接手後，管理明顯變差：「好似垃圾咁，啲清潔工都係做表面，花叢下好多煙頭都無去清。管理員都明顯少咗，依到四通八達，又無閉路電視，都驚治安問題。最嚴重係個水池，之前會定時清，但依幾日落雨就開始臭，忍唔住投訴終於肯做嘢。」她坦言仍想與新業主建立良好關係，不想「罵得太盡」：「至少都有街坊講商場廁所啲廁紙好用過領展嘅。」 採訪：梁延宇 攝錄：郭永強 http://hk.apple.nextmedia.com/realtime/magazine/20160609/55202611 |
|||
|
2004-10
|
||||
|
心情動態：
來自非公營房屋 |
領展賣場變孤兒 車主力數三宗罪
 盈信控股（0015）接手領展（0823）天馬苑商場及車位後，對商鋪愛理不理，但對車位就顯得十分積極。早前就有報導指，新業主不再提供固定車位，由於月租租金不變，但只提供浮動泊位，變相加價，引起車主不滿。天馬苑月租車主召集小組向《壹》仔大數三宗罪，恕插新公司無視居民的訴求：「簡直係擾民！」 罪狀一：偷雞通知 天馬苑月租車主黃小姐表示，以往都是每年以抽籤的形式，車主以「先抽中先揀」的方式揀選心儀的固定車位。但上月二十一日車主才收到佳定(新管理公司)的通知，未來車位將由固定全轉為浮動，要車主在少於十日內決定是否繼續承租車位：「好多車主都唔喺香港，佢哋只係將通知放喺車頭擋風玻璃，成件事都好倉卒。」召集小組發言人Felix指多次與業主磋商要求延期，都不獲重視：「到五月三十一日先話俾多幾日我哋考慮，唔接受都係變時租。」 罪狀二：高層閃縮 Felix不滿佳定對車位的安排，他決定在五月三十一日(接手當天)晚聯同其他車主，手持標語抗議，引來傳媒報導。因當晚零晨領展管理員已離場，停車場的閘桿被拆走，因保安問題，他們決定報警。佳定代表得悉後才決定讓步，車主暫時可繼續享用固定車位。黃小姐就大罵佳定代表行為閃縮：「我哋唔係去報警，佢哋都未必上嚟！」 罪狀三：新條款暗藏魔鬼細節 Felix指，事件看似告一段落，但新條款仍有不清晰的地方：「佢寫住『不構成月租車主的協定安排』，即係點樣?同埋好多細節都未清楚，好似如果有時租嘅車泊咗月租嘅位，會唔會鎖車。我哋要求喺合約條款做啲修改，佢哋都話唔得，只可以接受同唔租。」 他解釋，由於天馬苑的停車場較窄狹，居民一般都租用最高兩層車位，方便出入，大型車輛亦難以駛進下層。Felix反映其他居民指，若最終仍未有完善解決方法，他們惟有賣車：「唔係個個泊車都咁叻，我哋都要知公司想點，先決定租唔租，以至賣唔賣走架車。」他慨嘆現時車主「肉隨砧板上」：「佢跟足公契做我哋都無辦法，惟一可以做嘅只係將意見反映俾管理公司聽。」 採訪：梁延宇 攝錄：郭永強  http://hk.apple.nextmedia.com/realtime/magazine/20160609/55202665 本帖最後由 folee2008 於 2016-06-09 15:36:56 編輯 |
|||
|
2004-10
|
||||
