尋日同老婆去開鑽石山，無聊甘話不如行去景泰望下。夜晚七點幾由地鐵站行去，經過兩個地盤，沙塵滾滾，應該係沙中線地盤，仲要勁多人向我迎面行過黎，因為工廠區放工時間，超多人。行左三個字到到巴士總站，景泰苑就係附近，見到超多人等巴士返大埔，有朋友住彩頣花園，佢話朝早勁多人行過四美街搭巴士同地鐵，返工起碼要預個半鐘出門口就穩震啲。附近真係全工廠區，重有好多車房，入夜後好似鬼域甘，無人行個隻靜，重見到有啲南亞人士係啲橫街閃出黎。係景泰下面有幾個籃球場叫做有返啲人氣，不過啲後生都會打得興起叫幾聲，如果住樓上都幾嘈下。
好啦，我又行左去景泰對住個條彩虹道到企左陣，真係超嘈，好多大型車都經過時真係好大聲。
我諗日頭工廠區個邊都有啲食肆，但夜晚我望埋去就真係唔多有，重泊左好多大型車係路邊，日頭上落貨我估都有啲聲。
街巿係有既，景泰最近有大成街巿，我行過去要成四個字，我諗如果買埋送行返屋企，來回快都要大半個鐘。
整體黎講感覺真係偏嘈同夜小小經過工廠區婦孺係有啲擔心，同埋無三房單位，如果要用公屋加甘既價錢買真係唔係甘值。
我係綠表都零願等下期居屋，話晒出年已有得抽，又係巿區樓。
本帖最後由 kenny2015 於 2016-09-24 21:49:59 編輯
