夜晚七點後唔食嘢 57歲陳志雲激減20磅
2016-10-27 20:19:00 HKT
6月底胖嘟嘟(資料圖片)
8月初出席《暗中作樂2016街頭打鼓快閃活動》,面珠仔幾多肉!(資料圖片)
同月底,與葉童出席《莎士對比亞》宣傳活動,下巴已經有啲尖… (資料圖片)
今晚係陳志雲、葉童主演舞台劇《莎士對比亞》喺北角新光戲院公演嘅大日子,中午嘅記招上,見陳志雲真係瘦咗好多,下巴凹晒,好明顯下了不少苦功,同今年8月記招嘅圓圓下巴好唔同!當然啦,志雲大師搵過好多莎士比亞嘅相貌圖,冇一張係肥,為演好角色,當然要即減啦。
陳志雲呢個減磅大法,當然唔會亂咁嚟,而係搵營養師幫手,四個字:揀飲擇食,夜晚七點後唔食嘢,好快就減咗20磅。屆時喺台上又要唱歌又要跳舞,中、英文台辭都要講,難度極高!