https://www.facebook.com/205314626276419/videos/791973004277242/【房策失敗的代罪羔羊 長工時司機被收回公屋】
689視房屋政策為重中之重，卻在任內交白卷，一貫諉過於人、分化巿民，瘋狂拿公屋居民開刀。除了寬敞戶、富戶等惡策逐一收緊之外，更借口濫用公屋，不斷回收居民單位，破壞居民的安穩生活！
近日有葵青區居民張生獲通知收回單位，十分惶恐，他是中港車司機，長期往返中港，工時長又不穩定，故此早前房屋署突擊探訪他時，均不在家。房署職員竟又查看其水錶、電錶等紀錄，最後發出收回公屋單位通知。
張生話齋，「對我好唔公平囉，因為我哋中港車司機個個都係食依啲飯，循規蹈矩、安份守己。但你房署咁樣當我哋犯法咁，久唔久又嚟拍吓門呀，問心講句，有時做嘢唔係等佢上嚟查我架嘛，係咪先？我哋始終都係為社會服務既人。」
張生唔係無返屋企，只係工時太長，返到屋企抖一陣，又要再返工，連囡囡想見佢都見唔到，何況房署職員。長期在外工作，有時連瞓覺同沖涼都喺車場度，水錶電錶梗係跳得少，點估到房署明知人哋係長工時中港車司機，仲要花極多人力物力查左查右，屈你濫用公屋收返單位。
政府喺勞工政策上已經好唔照顧工友，加班補水無保障、工傷又無保障，連住屋個保障都無埋，打工仔咁辛苦都係為兩餐啫，連個竇口都俾政府郁埋，有無搞錯呀？
（附上影片：張生講點解成日返唔到屋企）
住公屋竟然有工返，仲長時間工作？房署已經決定咗DQ你個公屋單位，去瞓街啦！
//近日有葵青區居民張生獲通知收回單位，十分惶恐，他是中港車司機，長期往返中港，工時長又不穩定，故此早前房屋署突擊探訪他時，均不在家。房署職員竟又查看其水錶、電錶等紀錄，最後發出收回公屋單位通知。
...張生唔係無返屋企，只係工時太長，返到屋企抖一陣，又要再返工，連囡囡想見佢都見唔到，何況房署職員。長期在外工作，有時連瞓覺同沖涼都喺車場度，水錶電錶梗係跳得少，點估到房署明知人哋係長工時中港車司機，仲要花極多人力物力查左查右，屈你濫用公屋收返單位。//
本帖最後由 folee0001 於 2016-12-02 16:43:42 編輯
