老公04年開始申請單人公屋，08年加左我同個大女名，09年加個仔名，2010年4月個大女離開左我地，返左去天父的懷抱，幸好蒙主厚愛，年底又恩賜了一個妹妹比我地，再加埋個細女的名，并將原本申請拓展市區改為新界，2010年10月審查，2011年6月派第一次，屯門友愛邨一樓，三十二年樓齡，無電梯，問隔離屋0的住戶，拒話派比我地個單位，拒住左三年都無人住過，拒絕左，不合理拒絕一次。
第二次又系屯門山景邨，13樓，不過都系舊樓，30年樓齡，過去睇左一下，想要，因為個VIEW幾好，望山景，唔使樓望樓，
私隱都幾好，而且個單位剛翻新過，又驚第三次唔知會派乜嘢樓，想要，結果C6出左事，簽唔到租約，當合理拒絕一次。
第三次派天水圍天悅村，問過同屋邨D朋友，拒話四個人單位應該系40幾平方的，我地去睇，只有34平方，租金1300，我朋友住的都系三人單位34平方個種，租金1100左右，我地寫信去拒絕，話點解會比個細單位我地，但是租金就要要四個人單位的，問系唔系房屋署搞錯左？
房屋署回信話34平方的系四人單位，當我地不合理拒絕一次。
最後一次會系點樣啊？
而家轉左輪候配房，唔知幾時先會分最後一次？
好急啊，因為個仔未搵幼稚園，打算分到屋先搵啊。
希望2012大家都可以分到心水屋啦。愿主恩與大家同在！
~~ 雖然我唔係信主，但我都衷心祝妳一家平安、快樂、早日上樓！
順順利利
