線路太短膽易燒 紙皮鐵隨時跌落嚟
除了有紙皮木桌，Shin直指，在淘寶購買的燈飾存有不少缺陷，除了手工參差，有甩色、崩壞的問題外，設計更未必適合香港使用，隨時導致家居意外！
他拿了港人經常購買的三款燈示範，售價都比香港店舖便宜不少：「好似依款壁燈，香港賣四、五百蚊，淘寶七十蚊就有交易。」他表示自己都不時替客人入貨，遇到不少問題：「好多時會有崩、或者劃花咗，最主要都係安全性問題，因為電線唔知啱唔啱香港使用。好似依支燈，線路係太短，要用其他組件安裝。」他補充有別於香港常用的螺絲頭，不少內地燈的燈頭都是卡口式，在香港難找到燈泡之餘，價錢亦會較貴。
而近年興起的路軌燈，Shin表示多會與路軌一併購買，但路軌多以紙皮鐵製造：「經常遇到嘅問題就係軌道太軟，而包埋嘅火牛都好渣，好容易燒燈膽，攪到成日要換。最差情況就係因為紙皮鐵本身好軟，容易扶唔實個燈膽，成個跌落嚟。」
至於另一款比較多人選購的LED光管，平至十多元人民幣有交易，但Shin就提醒一定要留意接駁配件是否齊全：「因為配件喺香港好難去配，要追又好麻煩，要搵自己方法去處理。」他就試過配件不夠，要用上索帶頂替，因此建議送貨前，最好向賣家再三確認配件數量。
採訪：梁延宇
攝錄：廖健昌
