會上有一群人企圖阻止一名業主向主席提問以下問題：
問題一 (清潔)

我明白法團為左迎合30年可能政府強制驗樓做大維修唔使業主另外夾錢，但係可能因為要監察工程大維修，成日要開工程會議而忽略左其他方面，例如處理大型傢俬垃圾同樓層走廊清潔。除住大維修接近尾聲，而依加儲備盈餘又充足，如果你地成功連任，可唔可以放多d資源(即係錢)同人手係呢兩方面。

無幾耐之前B座因為有人向消防處舉報，收到告票唔準再擺放大型傢俬垃圾，令到A同C座負擔重左好多，3至4日已經堆到成座山。未來可唔可以因應堆積情況，如果太嚴重就call其他公司吊車，唔係只用食環署吊車？食環署吊車有時反應太慢。Call車費用或者研究用者自付機制/按金制。
樓層走廊清潔方面又可唔可以加強人手責成同監督清潔公司？

問題二

如果你地成功連任，圍欄應該不會拆。的確自從起左圍欄後，好處真係少左閒雜人入屋苑範圍。(附近治安其實唔算太好，我阿爸八十幾歲，佢係美林村地下行人橋曾經俾賭仔勒索1000蚊 。我覺得增加屋苑保安系統係有需要。)而且望落地下乾淨程度同美林大圍同我地係差好遠既。

有人話會阻住救護車，我親眼見証4次，救護車未停低已有兩個管理員係A座同B座出來開定閘門。(其實富嘉，海福，文禮閣，好多私人屋苑都設圍欄，上面豪宅雲頂一號，曉翠山莊仲起圍牆添，佢地坐緊監？)

不過我發覺閘門係對一d 行動不便楂枴杖既老人家黎講會太重。我當然好輕易就開到。我試過要幫一個楂枴杖既老人開閘，佢都要用10-15秒時間先從7-8呎距離過到閘，如果得佢自己一個應該唔夠力開。個屋苑好多上左年紀既人都一日比一日老，而依加財政充裕，可唔可以係保安同方便不良於行長者兩方面取個平衡，同維修商商量(唔使全部換晒)係4至6個多人流出入既閘門改用物料輕一d 又有差唔多強度同硬度既閘門？

問題三

舊年7月爆鹹水喉事件，鹹水斷左供應一個月，責任係邊個度，又或者有乜野其它技術因素導致呢個情況我已不想追究。但係做成既結果就係全體業戶係要用淡水沖廁，交多左水費，對無收入人士係唔輕既負擔。如果你地成功連任，管委會可唔可以考慮或承諾當財政狀況許可下，係黎緊個財政年度減免半個月管理費，用作補償因爆鹹水喉事件而交多左既水費？

問大聯盟問題一 (傳單中的數字，誠信操守問題)

2016 年12 月22日晚你地大聯盟向每個業戶信箱派發傳單，內容係指責立案法團尚欠$837萬屋苑大維修費用及法團帳面只剩$168萬元。我想你地解釋下呢個數字點黎。我想你地係呢度拎出真憑實據去證明。 如果你地解釋唔到，個假數字係唔係你地憑空捏造出黎？

如果係，請你因為你地講既大話，企圖瞞騙所有業主，係度向所有業主同法團所有管委會成員鞠躬道歉。 如果你係真心相信你地所估個數字係真實既，點解會同真實數字差噤遠？你承唔承認係因為你地大聯盟既人非常無能所致？
   

我諗就算一個智慧低既人都知其實銀行存款係無得呃人既，點解係12月23日法團作出回應大維修費用只欠$332.3萬，法團存款總數係$1154.6萬後我有幾次經過美林體育館二樓對出行人天橋附近你地個檔口前都不斷繼續同經過既業主講法團尚欠$837帳面只剩$168萬元，每個主戶要夾幾萬至十萬，然後叫人簽授權書俾你地？你地係唔係串謀詐騙業主授權書？

仲有如果真係欠維修商$837萬，找唔到數，有常識既人都會知單工程會爛尾，社會上成日發生(好似翠湖花園，富嘉花園)。但係當你地出左傳單之後，仍然有大維修既工人繼續開工，咁係唔係反影到你地連常識都無，你地係宣傳單張度標榜自己專業？你地既專業係邊度？做法團其中一個最大既職責係要財務管理，你地既誠信，操守同能力噤低劣，你點說服呢到既業主，你地當選之後唔會做假數？

問大聯盟問題二 (參選傳單中的財政穩健)

想了解你地當選後會用乜野方法做到你地參選傳單中所講既財政穩健？我見你地網上個facebook 群組成日話要將法團盤數俾返管理公司管，所有錢入晒落管理公司銀行戶口，令到主席唔可以開數。呢個係6年幾前個法團既做法，結果當年就係管理公司不斷開大數引至入不敷支，導致佢地俾人推翻既其中一個原因。你地重提呢個措施，原因係乜？係唔係因為你地認為自己無能力管數？有咩機制可以防止管理公司濫權開大數？富嘉花園既財政，維修工程就係好例子。  

你地話法團欠債$837帳面只剩$168萬元，支持你地既人理所當然係應該會相信法團將會破產，每戶都將要夾錢找數。但係依加美城苑係俾消防署告緊，有5張告票，每張罰$10萬蚊，過一日就每日罰一千，計落應該超過$60萬。我係facebook 見到其中有幾張告票係由你地向消防署報告，你地仲覺得要好開心既。現屆法團就話會抗辯，但係按邏輯係，你地覺得或者承認真係有問題先會向消防署報案架啦，自然地你地會認罪啦，咁即係呢60萬又係要我地再夾。

咁我又見到你地大聯盟既人話要換新lift，其實你地知唔知一部要幾多錢？。要百幾萬一部，換晒abc 座18部lift 差唔多要成二千幾萬，加埋之前要夾黎找數既$837萬欠債，再加$60萬罰款，成3千萬，即係剩係換lift+ 找罰款+找工程欠債每戶要夾成起碼萬5蚊。你地facebook仲話有好多其他工程數陸續要找，每戶要再夾幾萬? 咁即係話你地一上場我地就要夾幾萬至十萬，你地不斷強調既財政穩健乜野方法可以做到？各位在場既業主，你地又會唔會好想夾呢筆錢？

仲有 ‘ 好還美城苑原有面貌’ 係乜意思？回復大維修之前舊貌？咁又要每戶夾幾多錢？重新做多次大維修？ 瘋人瘋語嗎？ 各位業主想唔想夾呢筆錢去換返30年樓齡既殘破面貌？
有無諗過新搬黎業主？新搬黎業主或者搬黎幾年既業主，你地唔同佢地大聯盟核心成員，佢地31年前未補地價用十幾或廿幾萬買返黎。你地用300幾萬買返黎，未計律師費，釐印費，按揭保險。俾左一筆首期每月仲要供樓，仲面對加息壓力。大聯盟仲要問你夾錢回復原有面貌+換lift。回復大維修之前30年樓齡既殘破面貌舊貌各位覺得你層樓樓會成定跌？我怕你選佢地唔好彩會令到你地負資產，供貴樓。

問大聯盟問題三 (參選傳單中的和諧)
你地大聯盟提到要和諧，但係我睇你地facebook 既留言係話要將現屆法團既人好似過街老鼠咁掃出去，亦有成員留言諷刺A 座係咩咩豪宅。仲有你地成員去消防署投訴B 座傢俬大型垃圾違反消防條例，搞到d垃圾去晒A座 同C座，你地口講和諧但實際上就制造矛盾同分化。

大聯盟既主席何少鳴，你都唔係第一次。2011年5月現屆做左幾個月就收集5%業主聯署開業主大會罷免當時法團，又製造無證據流言指控法團收受 15%回佣，收禮物等等。2012 年3月7號 大聯盟又聯署去信民政處及廉署告法團無將收支明細表貼出大堂，2012年 9 月21號 向田心警署報警 管理公司縮減人手下開支增加，幾單最後都證明係子虛烏有，無證據下既誣告。
    其實你地有無諗過你同埋大聯盟一班成員先係不和諧既始作俑者？
你口中既和諧，係唔係要延續上屆用公帑搞旅行，搞蛇齋餅粽去維繫？
問大聯盟問題四 (支持破壞屋苑，出賣業主的行為)
    上過你地facebook。發現你地成員有做出或者非常支持破壞屋苑行為。
例如：破壞新裝既大廈大門，將３座大廈密碼寫係公眾地方，我相信無人會認同將自己同屋企人既信用卡號碼，提款卡密碼係公眾地方亂寫出黎。一d芝麻小事，雞毛蒜皮唔成案既你走去報消防處，每張告票10萬蚊，重共5張50萬，最後要我地公倘出。依加仲可能要夾錢。
    你地既單張所講‘捍衛美城苑’，‘對美城苑的愛’ 就係咁既意思？

問大聯盟問題五 (清潔問題)
    你名單好多都係退休人士，全日由朝到晚係度哺老鼠同數老鼠。咁你地哺左噤多年，搵唔搵個源頭。我自己都係估估下，佢地個竇就係美槐樓出面個垃圾站同美槐樓後巷既大型垃圾筒，咁你可唔可以承諾你地上任後係有能力，有權力拆左個垃圾站同大型垃圾筒？  https://maysing43.blogspot.hk/