我做傢私，唔怕醜，遂間格價，遂間問呎價分別，每隻板有咩特性，做傢私有咩包，有咩唔包。。。1/ 纖維板：壞處係冇咁硬淨，唔受力，易彎，我經驗用十年內已經有破損，板彎，要換。。。好處係做咩款式都得，圓滑，價錢平，做小朋房既床或衣柜最好。。。如你喺街見到既跑車床，公主床，巴士床，就係用呢隻纖維板。。。。2/ 夾板：壞處係款式較呆板，單調，價錢貴。。。好處係硬淨，承托力高，層板放好多書都唔會彎，好襟用，用二十年都唔大問題。。多數用於衣柜，大人款既床，書柜。。。3/ 門鉸有兩種，一種係普通鉸，閂門時門柜撞到彭彭聲：另一種係柔順鉸(實際鉸名唔清楚，好似係咁叫)，閂門時門柜自己慢慢關上，唔會彭彭聲。。。多數鋪頭要加幾十數一對，我好辛苦先至搵到一間包呢款油順鉸，但最後裝柜師傅麻麻哋，手尾差d，所以我唔會推介俾人。。。4/ 柜桶兩軌有兩種，一種係普通路軌，另一種係三趟路軌，如果係柜桶裝重嘢，或者將柜桶拉得最開最大，柜桶都唔會拉到尾墜落嚟，唔洗用大脾頂住攞嘢。。。呢款三趟路軌又係會貴幾十蚊
又學到野!謝謝
