Lunch在公司樓下見到個伯伯在行乞，紙牌大概寫著他是香港人，因未期肺癌需要幫助，還放了身份證和回鄉證在旁。（為什麼要刻意寫自己是香港人呢？仲要放證明！即刻令我諗起當時阿候任特首的五百蚊!）

望到佢係因為平日唔會有人痞係嗰度，條路又窄又多人，所以我無立即上前了解，打算食完飯再看看他。飯後他仍在同一位置，個樣好病好辛苦。

「你食咗飯未呀？」「未」「買個飯俾你好無？」「你不如放低廿蚊俾我」「我可以去買個飯俾你，好唔好？」「好」「咁你等我一陣啦！」

走去小食店，要個燒汁豚肉飯，老闆話無晒珍珠米煮的飯你介唔介意？我話係買俾前面個伯伯，我諗佢唔介意，老闆即刻私人送支自家製羅漢果茶，仲同我一齊走去睇下伯伯情況。

伯伯好攰咁痞咗係地下，捲曲身體，面色蒼白而瘦弱，牙齒所剩無己，連講嘢都無氣無力。我問係咪好唔舒服？佢對住我同老闆呢兩個陌生人，即刻一滴滴眼淚流出來...

佢自己一個人住觀塘舊區，醫生話佢有未期肺癌，只剩7個月命，無攞綜緩，而且都唔想攞，因為攪得嚟都已經死咗！亦無社工聯絡。我問佢有咩需要？佢好攰好無力咁擰頭。

小店老闆曾經學過中醫，幫佢把脈，叫伯伯唔好再痞係地，起身都要慢慢，佢的情況應該會見頭暈，叫佢快D食飯同返屋企休息下，好D至再出嚟。仲同佢講如果肚餓可以去佢的小店，好歡迎佢過去。但伯伯知吾以對，我覺得佢其實唔知小店所在位置，又可能唔想咁樣走去食飯。

我同老闆痞係街邊同伯伯傾計的短短時間，我相信有過百人行過，條路係窄到腳係會擦過我背脊嗰種，期間有一個人放低咗廿蚊，有一個送外賣的人話伯伯行乞阻街，叫我叫伯伯走。我問佢我都痞咗係度有無阻住你？佢即刻掉頭走。我好希望佢去到旺角見到D大媽唱K時都會行過去話佢地係度阻
街。最後老闆同伯伯講，呢度人多怕撞到你，氹佢早D返屋企休息。

咁多人行過，伯伯都「不被看見」，如果唔問唔傾計，都可能覺得佢係呃人錢。我信有人係無需要卻行乞，有人係病到迫不得已行乞，有人因為唔想行乞，所以辛辛苦苦整日整夜去執紙皮汽水罐變賣十蚊八蚊。社區分享不會用金錢，總有些情是錢買不到，而是「看見」有需要的人。

伯伯無電話可以聯絡，我留咗我的電話號碼，希望佢會打俾我，至少我可以帶盒飯煲個湯去探下佢，或者聽日返工睇下會唔會再遇到。

＊更新（12 May）：
多謝大家對呢個伯伯的所有關心，暫時係附近已經有人幫手留意緊伯伯行蹤。因為有好多朋友PM我想詢問伯伯位置，怕一時太多人會嚇親佢，亦有可能引來其他麻煩，所以我不會透露伯伯位置。有消息時會通知大家，再次謝謝善心！

其實大家可以留意下你自己嗰區有需要的朋友，需要的人其實好多，只要去"看見" 就會有。感謝各位！

From Benson Tsang:
看見這一個post, 4000人有反應，近1000個share，證明會關顧弱勢的朋友大有人在，香港有希望。只是在上一題，真的千萬不要一窩蜂去探望一個老人家，除咗會令他造成滋擾之外，會令他吃不消的。

大家還記得旺角山東街被打劫的報攤婆婆？還記得銅鑼灣末期癌症的麵粉公仔老伯伯？過去就是故事一出，大家一窩蜂去「關心」他們，結果令到老婆婆不斷俾人拍醒，連瞓覺的機會也沒有；老伯伯為了賣多啲野去「招呼」大家，身患重病卻要繼續整更多麵粉公仔......但現在呢？我相信現在已經冇乜人會「再」關心他們。

希望大家如果真的有心，可以關心自己社區的老人家，尤其是執紙皮的公公婆婆、食環署的外判清潔工人，大家可以視他們為長輩，噓寒問暖，這是大家日常可以做的事情。

大家努力吧，只要相信愛的力量有幾大，大家的力量就有幾大。

— with Benson Tsang.

都有綜援啦，仲行乞？

有心人……