網民鬧爆搵唔到77台 模擬電視ANALOG先追到台
有線寬頻旗下的免費電視台「奇妙電視」今晚8時正式開台,但市民指網上直播睇唔到,不少人投訴自動搜尋77台亦找不到,未能成功看到新免費台。
網民在奇妙電視facebook留言,投訴網上直播「流攤」,奇妙電視小編回覆致歉,稱「本台暫時未有安排網上直播奇妙電視節目」,並指奇妙電視是以高清數碼及模擬制式廣播。
奇妙電視網頁上指出,已經覆蓋2,345,809住戶,若相關的大廈已在網絡覆蓋名單當中但未能接收奇妙電視信號,市民可以透過大廈管業處查詢有關奇妙電視系統接駁之工程進度。不過,有網民指自己住粉嶺牽晴間,是在有線網絡覆蓋名單上,但搜尋不到77台,看不到奇妙電視,留言批評「我有證明,係你們的錯,係你們不很回覆牽晴間的管理層,搞到冇得睇」。
有成功看到「奇妙電視」的市民指,需要在「模擬電視(ANALOG)」選擇自動搜尋,才可成功看到,但的確未能在數碼電視(DIGITAL)中搜尋到77台。
網民留言:
Man Martin:原來網上直播又係流攤, 不如你用FACEBOOK LIVE直播喇, 唉
Joe Chan 暫時未有安排,咁你網頁嗰版直播係用黎裝飾?V台開台時唔計大氣電波,又有app又有網上直播,奇妙就乜都冇,想支持你都支持唔到啦
Tom Good:做免費電視點解會做成咁?免費電視台點解唔用大氣電波廣播?你地申請個牌照黎仲乜?搜極都無數碼77台,邊有人會睇?
Mok Samson:大廈屬於覆蓋範圍但係自動搜台搜唔到,有無得手動搜台?