|
心情動態：
來自非公營房屋 |
風球信號面世100年 香港郵政推紀念郵票
查實俗稱「風球」嘅颱風信號，最初係為方便航海人士而設，香港喺1917年首次使用數字颱風信號表示熱帶氣旋吹襲時嘅風向同風力，以便向市民發出警報，最初只得一至七號，O衣家使用嘅信號系統就係1973年起採用至今。 適逢今年係香港數字颱風信號誕生一百年，香港郵政下月13日推出題為「數字颱風信號百周年」嘅紀念郵票同相關集郵品，一套五枚嘅郵票會展示數字颱風信號系統，特別之處係郵票上每個颱風信號都以凸字油墨印刷，質感豐富。而郵票小型張嘅左方就會顯示香港天文台總部過去懸掛十號颶風信號嘅情景，右方則展示1917年、1931年同1973年香港採用嘅數字颱風信號系統，畀市民了解颱風訊號嘅百年演變。 各郵局會喺本周三（31日）開始發售正式首日封，每個$1.3；郵票同相關集郵品同日起喺郵政總局同多個郵局展出，詳情可以參閱www.hongkongpost.hk。  一套五枚嘅郵票會展示數字颱風信號系統。政府新聞處圖片 
|
||
|
|
|||
好有意義
