|
心情動態：
來自非公營房屋 |
1萬蚊租樓 羅列十大要求！樓主離地定樓市離地？
安居樂業邊個唔想，不過樓價逼人，租屋幫人供樓都係等閒事。不過，可唔可以合理價錢，有間企理小小嘅樓呢？最近就有網民facebook出po幫朋友搵租（佢朋友係咪佢就唔知喇），列出十大要求，要市區樓又租金最多萬一，又趕住兩日要搬到，感覺諸多要求，但睇真啲其實都幾令人唏噓。 首先睇吓搵樓嘅係咩人先：一對父女，兩個收入穩定，不過就講明「不要要行一層先搭lip的」，因為阿爸要靠拐杖行動。睇吓，阿爸即使行動不便，仍然努力做嘢，收入穩定，呢啲咪係香港人打不死嗰種精神囉。而佢哋想搵個10,000蚊樓下嘅標準兩房單位。雖然唔知佢哋收入點，當住佢兩個份人工大概係香港入息中位數，即係15000蚊左右，兩個人，加埋就30,000，其實都佔咗佢哋3份1收入喇。 再睇多啲要求先，譬如要有廚房、廁所，嘩，呢啲係咩要求嚟？聽完好似去咗非洲咁，連乾淨食水呀、食物呀都係「非份之想」，要特別講到明架！佢哋仲要求廚廁唔可以太污糟，咁有女仔住，呢啲要求算正常；不過如果你話用10000蚊租間樓，係冇資格有個乾淨嘅廁所，喺生活重擔中有個小小嘅空間refresh吓，咁都無咩好講，個個價值觀唔同嘅。 然後地點呢？佢列嘅地點主要係旺角附近嘅地鐵沿線，同紅磡大角咀，亦話其他九龍市區都會考慮。呢個要求配搭廚廁唔好太污糟，就真係絕配，睇番幾個流行嘅樓盤網，10000蚊樓下，一般都係交通方便就好舊咁，企企理理嘅就可能係村屋，市區嘅企理樓，好多都超晒價，雖然唔可以話冇，土瓜灣大角嘴都有機會搵到，但得幾個少到要搶，個網民都話曾經搵到，不過「上緊堂missed call就俾另一個買家簽左」。  (互聯網)  網民嘅要求，雖然都多同瑣碎，但未算好唔合理。(互聯網)  呢個旺角租盤開價8,300，但個廚房真係唔係幾頂得順。(互聯網)  呢個租盤就啱啱10,000蚊，睇相就好多嘢都符合網民嘅要求，廁所唔算靚，但亦唔係殘爛散。不過遠少少喺土瓜灣。(互聯網)  呢間再靚啲，不過叫價12,000蚊租，喺荃灣，地點同價錢都唔啱。(互聯網)  個po啲留言就話屯門兩房都租10,000以上，叫樓主睇土瓜灣、黃大仙有無合意嘅租盤。 本帖最後由 過主啦 於 2017-06-15 23:49:23 編輯 |
||
|
|
|||
歡樂香江
