|
心情動態：
來自非公營房屋 |
秏盡積蓄難安居 業主：係咪要飲死人 政府先會做嘢？
 短片：http://video.appledaily.com.hk/m..._news_53_3_240p.mp4 相隔兩年再有新落成屋苑食水相繼被驗出鉛超標。有涉事屋苑業主表示，當知道單位食水鉛超標兩倍，直言「感受好差」，又指花盡畢生積蓄購買物業，結果卻要擔心身體健康。她要求政府盡快解決事件，反問「係咪要飲死人，全民驗血咁，政府先會做嘢？」 涉事單位之一為青衣青俊苑B座高層，業主胡太表示單位用綠表購入約270萬元，面積400多呎，單位未裝修前已抽取廚房水辦，結果發現食水含鉛量每公升30微克，比世衞標準超標兩倍，直言「感受好差」，現不知所措，「我哋都係想安居樂業，大家都係用畢生積蓄嚟買，但原來係咁，係咪將貨就價到咁呢？」 她曾因尚翠苑爆出有鉛水問題致電1823查詢，惟對方稱「你哋青俊苑冇問題，有問題先打嚟啦」。她認為，政府沒有理會過居民健康，「點解以前水泉澳邨發生過，葵涌嗰啲邨又發生過，嗰時政府仲實牙實齒講得㗎啦，今次搞得掂」，又指「係咪要飲死人，全民驗血咁，政府先會做嘢？」 她續稱，因單位不時有小孩和長者到訪，「第時有啲小朋友嚟我屋企玩或者瞓，我都唔會叫佢地飲我啲水，沖奶都要用自己啲水」，又提到家中有長者需服心臟病藥，擔心用含鉛超標的食水送服會影響健康，並指，「本來買咗樓打算生小朋友，咁係咪我都要飲埋蒸餾水呢？」她指，會安裝濾水器以及不會在家煮食，她要求政府盡快檢查屋苑水喉和鉛水問題，甚至是更換全部水喉。 |
||
|
|
|||
