平心而論，竹園南邨地段唔算差，係餐廳對開中間位行過去駁兩條天橋就到龍翔中心(黃大仙中心北館)，兩條天橋都有三部升降機，穿商場落去就到地鐵站(約10分鐘路程)。對比附近的慈正或安泰，實在係方便太多，起碼佢都唔算吊腳，空氣又好。另外井字型舊式公屋係香港的特色，很多人都慕名而去影相留念，其視覺效果係新屋邨做唔到。至於跳樓方面，人地係出面個井字跳，又唔係在你樓上跳，對你有咩影響呢？你又無得罪人，就算比你派到其他樓，又有人走去跳，咁你係咪又要準備搬呢？竹園南邨硬要說的唔好處就係舊樓、多老人家，佢地鍾意開晒大門通風唔開冷氣，日頭鍾意開住部電視，因無關門的關係唔多唔少係日頭會有些少聲音滋擾。另外今期特快其實都有好多好選擇，連公屋王都有，確實竹園唔會係首選。不過做人要學懂知足，明白你點解唔想要安泰，雖然新但交通完全唔方便，但有人連派三次舊樓地段碼碼都未出聲，甚至好多人連特快去揀樓的機會都無，仲水深火熱住緊劏房挨緊，年年加租硬食貴價水電費。老實講，早幾日個個都係到做晒功課偷步睇心水單位，你話你無時間睇，咁你屋企人都應該有責任去睇下了解下啦，佢地都闊佬懶理咁就無資格怪你啦。
歡樂香江
幸運星
