|
心情動態：
來自非公營房屋 |
方國珊倡首置用計分制
【東網2018-01-02】屢敗屢戰嘅西貢區議員方國珊(哪吒)呢排密密做宣傳，好多地方都見到佢掛晒Banner，似乎對新界東立法會補選蠢蠢欲動！運輸及房屋局常任秘書長兼房屋署署長應耀康今早(2日)到訪西貢區議會，不過哪吒好似唔係好知運房局點分工，以為運輸房屋都歸應耀康管，搞到應耀康要開聲澄清係一局分兩科。之後哪吒就提倡喺安達臣道嘅首置上車盤唔好用攪珠，要用計分制喎，聽到應耀康眼都凸一凸！
哪吒解釋話，好多街坊都話資助房屋唔應該用攪珠，又唔係買六合彩，攪珠係講運氣，計分制就唔同，可以將啲資源撥番畀有需要嘅本地居民。咁點計分呢？佢就話要學吓外國，用對香港有無貢獻嚟計，好似三代都係香港人，或者交稅20年以上等，就算做家庭主婦其實都係有貢獻，分開逐樣計。佢仲話，政府應該預埋有長者入住，如果年輕人肯同屋企長輩或父母一齊住，又可以多啲分，不過唔係講就得，最好就連層樓都要加埋長者個名，可以保障長者有權利，兼且家庭和睦。 
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享..建議大家在適當分區發新帖｡
|
|||
