真係灰到一個點，上年申請改善空間調遷排第五日6XX號，今年排到第十日11XX號，入表申請時只話只要選擇大過現時嘅屋搬就得，住開自己果區梗係想係調返附近嘅，上年諗住選間大少少嘅屋又唔比，去到現場就講明我地7人一定要大過38.5平方米先可以選擇，即是冇得選因為新起嘅得36~37平方米，冇得調因為舊嘅大過38.5平方米比人選左，諗住好喇上年迫果d清左d今年應該有機會可以調喇，點知仲排到咁後，真係可以埋單。
現時仲合併兩個計劃每年得一次機會仲要撥得1000間屋出黎比調遷d人，如果房署個機制唔改善，到死果日都唔會有機會改善擠迫空間。
冇錯，輪緊公屋嘅人會話我地都有公屋住緊啦仲唔心足？明白住私樓劏房好辛苦，但住公屋都會出現好似住劏房嘅情況，唔同嘅係租金上嘅比較，如果輪公屋嘅人輪到間細嘅屋迫住黎住，唔知又滿唔滿意呢，派得舊d都覺得食骨咁款…
輪公屋都有no.有得排，一人申請公屋都有計分制，更加有6人以上申請都有得分配到2間屋因為現在冇起大單位供應少，果d都叫有得公平輪候，總有一日望見家鄉。
點解我地調遷呢d就冇個公平d嘅方式去處理？又唔係求住新樓，又唔係要多間公屋，一換一啫，冇剝削公屋資源架喎，其實可唔可以:
1)比個no.去排或者
2)計下分又或者
3)處理左上一次剩餘嘅5.5以下嘅擠迫戶先再處理新一次嘅申請先都得架麻，
都叫做有希望呀。
成日以密度低先可以優先去選擇，點同d中港家庭南亞家庭鬥？d男人原本住1至2人嘅屋之後同d外地女人結左婚，再申請埋個外地女人或仔女黎團聚或再生多一兩個小朋友，都4或5人喇，佢地每次申請就一大堆永遠走在最前線，係房署選調遷樓嘅基本上d人係講外省話多嘅，見d大叔拖住個老婆黎唔知以為係佢個女帶埋個孫黎，大單位已經係少，4人如果有選擇嘅一定選4至5人單位唔會要3至4人嘅，5人就一定選5至9人嘅單位唔會要4至5人嘅，係，係好自然嘅事，我地密度4點幾5點幾果堆好多其實就定左局，根本申請一百次都冇用！
政府係造就左果d大陸人黎團聚嘅中港家庭，房署鼓勵天倫樂，但年年製造咁多擠迫戶，有調遷計劃又如何，根本冇咁多大單位比人比較多嘅香港家庭選擇調遷，改咩善計咩劃，根本騙人騙自己...點解佢地一黎到就可以即刻加名參加成功調遷，我地申請咁多次就永遠落空同冇希望!
次次搞完一大輪申請，最後都係唔會成功調遷到，應該係永遠都唔會有機會調到，因為年年密度永遠新鮮，依家仲要一年得1000個單位，咁無助真係唔知可以反映比邊個知，同房署反映但唔會有回應，因為做又36唔做又36，做咩要拿屎上身。
呢d心聲應該係好多大家庭等調遷嘅心聲，好實在嘅現實問題未得到妥善公平處理，但從來都冇被官方或者政黨甚至社會正視過，改善想下就夠架喇，自己想辦法改善自己啦，嗚呼哀哉！
你住那裏? 家有多大? 有幾多人?
