本身諗住做中銀,但佢地話收樓前兩三個月先做,唔使咁急,碰巧電話預約恒生打畀我話可以做,便去左恒生做
恆生按揭
(1)開左個高息戶口,3年後要長期放5萬,否則每月扣$120(問埋職員到時無5萬呢?佢話到時可以轉綜合戶口放1萬都可以。我再問優進理財戶口有咩用?佢話去銀行唔使排長龍,好似無咩用。
(2) 現金回贈1.7% ,佢話做9成先有1.7%,問我是否綠表,我話係同埋要做1.7%回贈,我話畀多5%樓價係咪可以?佢話唔使,只要畀貸款額的1.7%便可以做到,再問果1.7%錢畀邊個?佢話要支票,我問抬頭寫那裡?佢話應該係律師樓,到時候律師會同我講,穩陣些可以打去房署律師問問,我問回贈幾時到手同埋是否扣落貸款度定現金可以拿出來用果隻?佢話收左樓第一期供款果一個月二至三星期會過落戶囗內,可以拿出來使,仲好心叫我盡量唔好拿同埋有餘錢放戶口,因為供樓辛苦呀。
(3)我按偈叫佢畀左兩個息率同三個供款年期我看,分別是15年18年25年 2.15%同5.15%
我揀左15年180期供款,(之後我問最擔心的問題,
我話萬一經濟唔好,我想把按偈年期加長,即係我而家做15年加長到20或25年得唔得,職員話可以,不過要畀$1000手續費,但是首要條件要問左房屋署畀唔畀咁做先得。我諗經濟有問題房署唔會睇住你死卦,我有空會打電話去問問。
(4)開高息戶口即時有200元超市禮券同海洋公園水樽,5月份放10萬去戶口仲會送海洋公園錢瞾,按偈有金狗同戲飛未有貨,到貨會通知。
如果沒有信用卡佢地會幫你申請埋。
佢地仲有個純人壽保險叫你買,年期跟你供款年期一樣,層樓供完便無得供,$309一個月可以連按揭貸款一起供,我話考慮一下,唔知有沒有需要,諗緊買唔買