本人係C 座19樓業主,今日已經上律師樓聽咗簡介會同交好文件了,律師當場報價律師費$5584,另加宣誓費$700/每人,雜費要視乎你需要什麼服務所以另計,但要注意律師樓只收銀行本票,所以各位街坊要麻煩去銀行走一趟了。律師講解都算詳細,除開呢次上去聽簡介會及交文件外,再要上多兩次律師樓,一次係簽按揭契,樓契同交律師費,約一個星期后再上去宣誓及其他手續。律師都講明“關鍵日期”即係入伙紙發出日期,即各位街坊可以收匙做業主了。但律師都講明目前還未收到房處任何通知何時可以收樓,所以未能證實流傳中提前收樓是否屬實。另外律師也提及印花稅宣誓問題,講明就算業主自行去民政事務處做咗宣誓,都唔可以退回相關的宣誓費的,所以各位街坊都冇必要周圍騰啦,乖乖哋卑七舊律師幫你搞啦。