樓價租金升勢不止，劏房、納米樓越起越多，港人被逼越住越細。每日生活於百多呎的斗室，活動空間有限，連洗衫煮飯等日常家務事竟變得奢侈。土瓜灣、深水埗及佐敦等舊區劏房林立，居民對洗衫有需求，令24小時自助洗衣店如雨後春筍湧現。樓市怪現象下，有智能櫃公司拓展業務，除了提供一般取件服務，連磅洗、乾洗衣服，甚至連無味精老火湯都有提供，全部靠智能櫃收取，照顧蝸居一族日常所需。

本港土地問題嚴峻，樓價高企，租金也水漲船高，全港最少有21萬人居於劏房、板間房等不適切居所。百多呎的斗室，居民與木蝨曱甴為伴，放一張床已顯得擠迫，遑論可容下一部洗衣機，或一個煮食爐，即使手洗衫，無窗無陽光的斗室內，衣服也無處「容身」。
樓市怪現象下，衍生不少新興行業。「Pakpobox 派宝箱」於2014年底成立，全港目前已有63個智能櫃地點，主要提供取件服務。「Pakpobox 派宝箱」行政總裁及聯合創辦人吳樞棋稱，今年4月開始，智能櫃除了提供取件及退件服務，逾半智能櫃更提供磅洗、乾洗衣服，本月開始更逐步在旗下智能櫃提供無味精的老火湯服務。
吳樞棋稱，Pakpobox的智能櫃最初成立時主要提供取件服務，但社會環境轉變，樓價高企，港人居住面積越來越細，加上工時長，「冇時間、住地方細…得100呎劏房冇洗衣機、冇爐具，平時喺屋企可以Handle嘅嘢…唔可以喺自己屋企做到…要做嘅嘢都要外判出去」。
Pakpobox目前除了提供基本的取件服務，也有提供洗衣、乾洗等服務，「將袋污糟衫放入嗰櫃，我哋就會有人收袋衫，然後攞去洗，洗好放返入去櫃，客人就可以去攞」。他指洗衣服務每次收費80元，大約可清洗約14磅的衣服，「社會環境轉變、我哋想做到一個自動化平台」。
除了磅洗、乾洗衣服，派宝箱本月起與本地小店「正湯寶寶」合作，透過智能櫃提供無味精老火湯，「用智能櫃嘅客人，屋企冇位擺洗衣機，又冇時間煲湯，佢哋可以喺智能櫃落ORDER（訂單）後，就有真空包裝嘅老火湯飲」。
鮑國偉（Jason）是「正湯寶寶」創辦人，自細在土瓜灣長大，「細細個就好鍾意飲阿媽煲嘅老火湯，大嗰咗成日因為返工OT，想飲啖湯都難」。Jason遂辭去企業顧問一職，去年11月創辦正湯寶寶，盼為區內長者、街坊提供無味精的老火湯，該店現時在土瓜灣及柴灣均有地舖出售真空包裝的老火湯。
在土瓜灣經營約半年時間，不少街坊來自劏房，「佢哋話地方細，冇地方煲湯，好似土瓜灣十三街劏房都幾密集，80、90呎劏房可能只放到一張床，唔好講話有冇廚房，一個人可能都係啱啱好瞓到落去，想飲啖湯對佢哋嚟講係好難」。今年初Pakpobox與他接洽，「問我哋有冇興趣用智能櫃送湯，我覺得好方便」。

未來納米樓、蚊型樓勢成主流，「基本上冇廚房煮食，要食嘢要走出街」。智能櫃就可提供送湯服務，該店現時兩間地舖每日可製作約500個無味精湯包，材料也每日會新鮮採購，「每日提供嘅湯包會按時節、季節…冬天會多滋補湯，好似花膠湯、夏天就消暑湯等…唔會落味精，確保原汁原味」。
為確保湯包品質，Jason稱，智能櫃送湯服務需一日前落單，「我哋收到單第二朝會煲湯，再透過物流團隊在6、7點前送湯到智能櫃」。而老火湯除了採用真空包裝及保溫袋，「包湯如果喺智能櫃放多過4小時，個櫃就會上鎖，客人就唔會攞到包湯」。現時每日提供一款老火湯，每包350毫升的老火湯，售價33元。

https://video.appledaily.com.hk/...ws_366_v2_mp4_w.mp4


土瓜灣、深水埗及佐敦等舊區劏房林立，居民對洗衫有需求，令24小時自助洗衣店如雨後春筍湧現。

有智能櫃公司拓展業務，除了提供一般取件服務，連磅洗、乾洗衣服都有提供。

智能櫃功能多元。

吳樞棋稱，港人居住面積越來越細，加上工時長，「無時間、住地方細…得100呎劏房無洗衣機、無爐具，平時喺屋企可以Handle嘅嘢…唔可以喺自己屋企做到…要做嘅嘢都要外判出去」。

Jason稱，可透過智能櫃提供無味精的湯包，「用智能櫃嘅客人，屋企無位擺洗衣機，又無時間煲湯佢哋可以喺智能櫃落Order(訂單)後，就有真空包裝嘅老火湯」。

乾衣機烘中藥！自助洗衣店客千奇百趣

全港目前約有200間自助洗衣店，在舊區行幾步就有一間在附近，每次自助洗衫由最平5元至25元不等。有企業3年半前在香港開設首間24小時自助洗衣店，隨着近年劏房及納米樓湧現，「好多人話畀我哋聽屋企冇位擺洗衣機，對自助洗衫有需求」，至今分店數目已增至逾40間。自助洗衣店遇上的客人亦千奇百趣，有人違規清潔寵物衣服、波鞋，甚至用乾衣機烘乾中藥。
水漾衣坊全港有43間自助洗衣店，該店發展部經理袁凱珊表示，3年半前一次機緣巧合下，在尖沙咀重慶大廈開設首間24小時自助洗衣店，「當時好多反對聲音，加上傳統洗衣店都話冇得做，話邊有人肯花時間自己去洗衫、坐係到等」。她稱，最初主打旅客生意，「想試下啲人接唔接受到自助洗衣，好多外國人接受程度（自助）比香港人高」。
其後發現本地居民對自助洗衣有需求，「越來越多人話畀我哋聽屋企冇位擺洗衣機…或者同人share一間屋，唔鍾意同其他人共用一部洗衣機。」水漾衣坊就透過特許經營模式，現時分店已增至43間，9成位處住宅區，「傳統洗衣店有固定營業時間，香港人成日加班，根本都唔知幾點收工，趕唔切返屋企攞衫，以前冇得揀。依家有得揀可以自己洗，我哋都會消毒，一人一機好衞生」。
袁凱珊又透露，開店初期不時與客人接觸，發現不少人都是第一次用自助洗衣，「好多後生仔，啱啱自己搬出嚟住，未攞過衫出去洗，佢哋會問點解件衫會染咗色」。而為確保衞生，全線分店洗衣機設臭氧消毒，「每洗一機衫都會消毒，也都會幫個洗衣槽消毒，確保下一手唔需要擔心上一手洗咗啲咩」。
開設自助洗衣店，也發生不少千奇百趣事情，「有人會洗完漏低件衫，仲試過有客人用乾衣機去烘乾中藥」。另有少部分客人會違規清潔寵物衣服、波鞋，一旦發現會先勸喻，再犯就會警告，甚至要求繳付額外清潔費，「每間舖都有告示講明邊啲嘢唔洗得，違規唔算好多，普遍香港人都自律」。


全港目前約有200間自助洗衣店，在舊區行幾步就有一間在附近。

近年劏房及納米樓越起越多，24小時自助洗衣店如雨後春筍般湧現。

袁凱珊笑言，自助洗衣店遇到的客人千奇百趣，「有人會洗完漏低件衫，仲試過有客人用乾衣機去乾中藥」。

「有少部分客人會違規清潔寵物衣服、波鞋.....」
到處都有這些缺得既人渣!