以下係嘉順苑收樓經驗:
- 大約係4月尾收到房委會有封信話已經申請緊入伙紙,同埋提提盡快完成申請按揭
- 5月尾律師樓會打比你,同你對一對按揭資料同埋按揭尾數
- 6月初會收到律師樓一式2份收樓信件(平郵同掛號),要按信上指定日期(我係收到信後5日)上律師樓搞手續,要準備按揭尾數本票, 同埋印花稅+律師費支票
- 簽完文件後2個工作天(待本票/支票過數)就可再上律師樓拎收樓信, 之後就可打去管理處約時間正式拎匙收樓
- 正式收樓個日要準備支票比管理費按金+泥頭費, 合共7個月+收樓當月餘下日子之管理費