太空人都買唔起港樓？ 網民：上樓難過上太空（足本版）http://video.next.hk/mcp/encode/2018/07/31/3665682/20180801_news_space_yy_v3_mp4_w.mp4
香港地上車難已不是甚麼新話題，但若擁有海外專業人士的薪酬水平，又會有機會嗎？
兩日前有網民在討論區貼文，引用美國太空總署資料，指太空人起薪每年約六萬六千美元，即平均每月三萬八千港元，大嘆他們來到香港都難以置業。
「痴X線香港。」
及後雖有巴打指正樓主計錯數，太空人折合月薪應為四萬三千港元，但以此收入要在港上車，仍不容易：
「證明香港上樓難過上太空。」
「所以其實政府啲XX真係好高人工，一個主任仔做幾年都有四萬。」
有巴打甚至慨嘆，港青恐怕要走偏門搵快錢才有望賺夠錢上車。
「好唔公平，讀書叻唔係一定搵錢多。都係果句，MK金融、傳銷、保險分分鐘呃下人就上到樓。」
「咁其實全世界都係咁嘅，不義之財永遠都係咁好搵嫁啦。」
網友們你一言我一語，分析如何才可以成功上車，說到底還需靠父幹：「你冇父幹上條X咩？」
亦有巴打講笑話，香港土地問題怕且要靠太空解決：「所以先要做太空人去火星買地，到時個個爭住移民去火星可以成為最大既地主。」
然而，以現時樓市之熾熱度，港青怕且只有搬進「太空艙」居住，方能一嘗當「太空人」的滋味，要儲錢上車，還是路遙遙。
撰文：忻肇康
歡樂香江
幸運星
