9月有兩位家人生日，就一於去呢間試吓食buffet.見到網上食評好極端 一係極差一係好評，參考各方資料，平日5點至7點就比較冇伏 因呢個時段人數少 拎美食唔多需要排隊是日4點50分入座，餐廳好大 座位都幾舒服，近窗位置成排可以望到維港，我地被安排係海鮮吧附近，拎嘢好方便，是日比較少人拎蠔都唔洗排隊咁制，每次可以拎3隻即開生蠔，是晚美國蠔，好新鮮及爽口，但可惜偏淡，冇咩咸水味,刺身每次拎4款，帶子，赤貝，油甘魚等都幾新鮮，可惜家人至愛嘅長腳蟹就比較差，未解涷好多水，龍蝦鉗及凍蟹都麻麻地 熟食方物，牛扒，羊架，燒魔鬼魚都唔錯，酥皮湯好好飲，燉湯偏淡，和牛壽喜燒唔錯，和牛壽司就麻麻，燒完好好un,甜品有即整心太軟，可以寫祝賀語俾cf即席寫及畫公仔 幾有意思，北海道牛乳超好味 總括黎講 呢個時段418 88折再原價加一 都可以一試 但7點時段要598就太貴了，咁嘅價錢可以係酒店食 質數比佢好
billy叔，生日快樂。 
