原帖由 蜜糖熊 於 2008-7-7 16:08 發表 ![](http://cyclub.happyhongkong.com/images/common/back.gif)
多謝分享,因為唔識這區,可唔可以介紹吓食野地方,設施,同埋邊度買日用品比較平呀,如紙巾,厠紙,沐浴露等等.......
其實講食野我大致可分咁分, 位於淘大商場裡面既多數係連鎖式的(大家樂, 大快活, 麥當奴, 椰林閣, 板長之類, 當然有少數係獨立一間o個d啦), 至於由牛頭角下村天橋底下紅綠燈就有各類街邊小吃同大排檔(不過都係做埋今年, 因為要清拆), 過左紅綠燈位行向得寶花園方向既就係茶餐廳居多. 仲有一間壽司店只都幾抵食(特別過左夜晚既11點), 隔離附近仲有2間茶餐廳收2點, 夜左返都唔怕無野食. 不過只要再向前行入去d"行"仔就會有好多既發現, 我個人比較喜歡嘉和園2邊行仔食既地方. 有一間車仔麵好抵, 18蚊有5款, 23蚊8款, 車仔麵行入去仲有一間快餐店, 生炸雞脾同雞翼都好好食. 當然德福上面食既地方當然坐得比較舒適啦, 不過人多排隊兼夾唔平.
至於日常用品方面, 其實壽司店隔離已經有一間藥房可以買到紙巾, 廁紙, 沐浴露之類, 價錢都算係ok, 如果真係要逐樣格價, 就可能要行到去牛頭角街市同安基苑o個度先有幾間呢類藥房.
如果係地拖之類既日常用品, 當然最近係日本城啦, 價錢大家都大約知道, 如果唔係都係要行去安基苑入面先有呢類日常用品既野買. 因為嘉和園o個間已經結業.
唔知呢d幫唔幫到大家呢?