回應 39# unico
咁你有你既睇法既…冇話邊個一定對…
唔,先唔好講係咪派糖啦…派糖呢個詞用意係小因小惠咁解…各人有各人既價值觀…好難話唔算定一定係…
對你既內容我有三點睇法:
1.
對於生果金…我個人認為如果加生果金係因通脹關系而去調整,我認為正路…冇問題…
但如果係因"收入及資產低於某一水平的長者,應該獲得較高的生果金",咁實在唔係生果金既原本意義…
生果金意義係考敬老人,唔分長者有冇錢…
而時情況點解要用提高生果金去幫人呢?原因就係現有幫助貧困既長者安全網唔到位…
增加生果全金係因為生果金唔洗評審查,可以更快咁交給長者解決眼前"小部分"既困難…
所以我覺得都係悲哀…悲哀唔係CK既致策…係現時社會既情況…至於點解會攪成咁…唉?
2
著數…對於唔係對等價交換番泥既野…我都會叫做著數,咁係我個人睇法…
你講既野包含兩種褔利~
一種係人人都可享受到既…如免費用圖書館、公園、便宜既醫療、教育等等…
另一種就係有限制既福利…綜援…公屋…車船同書簿既津貼等等…
第一種都算係理所常當然啦,市民付出稅金,政府俾番d野市民好正常…(當然有人付出多d,有人付出少d)
而且呢呢種福利越好,越大,就表示呢個地方非常健康…人民可以付出更多,又可以得到更好既環境…
另一種…係自己唔能夠應付生活既基本條件先會出現…姐係要有能力既人幫忙接濟…我想相信正常既一個人都想自己可以自給自足掛?
有道施比受更有福,你都想做幫人唔係俾人幫啦…
當呢個社會有大量需要呢種福利時候…就反映在呢個社會既不良情況…所以我又覺得係悲哀囉…
如果好似你咁講…須要長遠咁去用增加呢種"褔利"…我會長遠咁悲哀落去囉…
3.
叫CY落台…之前我都有講我覺得攪野…不過我唔認為有問題…
人地認為佢唔適當叫佢落台有乜問題?呢個每個人都有佢睇法…你包容接受CY,咁又可唔可以包容一班你唔鍾意既人叫下CY落台?
意思只係,呢個個平台得一個,大家一齊用,你反對,我支持。你支持,我反對…唔同聲音一齊共存?
正如人地反CY既一派,話你地支持一個冇誠相既人做特首係錯…我都一樣認為呢班反CY既人唔應該咁講…
佢地可以反CY,就唔應該敵對支持CY既一班人…
以上個人意見而已…