首先係小弟之前出過嘅po:http://cyclub.happyhongkong.com/viewthread.php?from=notice&tid=221519 (最新S3統計)
http://cyclub.happyhongkong.com/viewthread.php?from=notice&tid=221671 (2018市三派樓情況)

2018差唔多完，最新應該只係派到13196。

今年市區新樓單位數量(油麗除外)大約11683個，首次派樓號碼(首5數字)介乎12926至13196，一共移動咗27000個號碼。另外擴市方面，對於市區隊最大影響嘅碩門邨亦都順利令擴三派樓上到1324。

派樓嚟講，根據房署每月更新嘅最大接受配房號碼，有幾個關鍵號碼，包括1319500(今年放市前擴市已到)、1321400(放市後一個月)、1323400(放市後數個月)、1325600(滿東入伙及碩門預派完畢之後)。配合碩門派樓數據，市三喺1325600或之前嘅號碼密度應該偏疏，尤其喺1324前、1323400前、以及1321400前(更疏)。

近呢幾個月，三人派得係慢過二人，但係審查嚟講，市二市三係差得離奇地遠，而擴二仍然係快過擴三。睇吓11月房署公佈嘅數字，市二三一樣派到1318400，不過喺市三審到1331300嘅同時，市二只係審到1324700，市三足足審快6600個號碼，然而，擴三審得慢3300個號碼。之前有擴二1330轉市被暫緩、而且有市二1324未審，足以證明市三嘅審查進度唔係因為審完轉市先去得咁快，而係真係去得咁快。市二審得奇慢亦都證明1324700或之前，有好多號碼都係被市二佔據，換言之，市三號碼會更疏。

2018年市區新樓單位數量(油麗除外)大約11683個，2019年大概8445(估計可能會有一兩千變綠置)，出年建屋量大約係今年嘅七至八成，參考2018年派咗27000個號碼，相信現時喺市三嘅人出年(2019)都會有機會有樓派，而出年年尾至後年亦都有機會會再放市。

2019年嘅新樓落成主要集中下半年，而上半年只有兩個不穩定性極大嘅新樓落成，而且數量唔多，包括單位分佈情況不明嘅秀潤，以及未知會否被綠置拖累嘅麗翠。秀潤嚟講，根據區議會文件計算，每單位平均人數大約2人，即係以細單位為主，而靠目測秀潤出面嘅相，似有一定數量係一房單位，比例上應該同一般新樓差唔多，不過數量都係少。另外，假設麗翠唔受綠置影響，如期第一季竣工並且正常咁喺竣工前後預派，參考一房數量相約嘅石三七嘅派樓情況(係，石仔雖然得十幾層，但係因為單位分佈問題，成40層嘅麗翠有嘅一房數量甚至少過石仔。扣除石仔預留單位情況，兩邨一房數量相約，麗翠應該多數十個)，以及號碼密度情況，估計麗翠可以派到大約13220至13247附近，至於實際射程要視乎秀潤一房數目以及麗翠預派日期而定。

1325至1328會係極危險嘅一群，因為你哋係極有可能會墮入麗翠之後、石六之前，長達四個月嘅新樓空窗期。是福不是禍，是禍躲不過，祝你哋好運。至於7月開始嘅市區豐收期，號碼較後嘅朋友應該都會有機會。

以上係小弟嘅淺見，如有不足請見諒。另外帶定頭盔分析未必準確。最後希望大家可以一齊討論吓來年走勢。

(市三以外其他隊，如要發問有關自己條隊嘅走勢，請移玉步至相關分區等待其他人嘅分析，謝謝)

回應 #1 dragon00

7月後有啲咩豐收？朋友1331 幫佢問下

唔該晒dragon00師兄 ，所以我唔想有人派屋住就係咁解，因為呢段號碼我怕捱唔到秀潤，派到舊樓唯有拒絕，搏多一次。如果麗翠照3月預派，我地呢批全部上新樓機會超過8成

http://cyclub.happyhongkong.com/viewthread.php?tid=217215

謝謝終結, 非常有用的數據