打工仔收工總是歸心似箭,若乘坐巴士回家途中被迫落車,心急程度可以理解。今日(23日)凌晨1時,一輛由西九龍前往天水圍的巴士,突然停在途中。車長出面解釋指,車上一名外籍男乘客未有支付車費,所以要「停駛」報警。期間有乘客一度提出為外籍男支付車費,惟遭車長拒絕。有網民斥車長小事化大,「浪費咁多人時間,仲浪費警力」。
網民 KW Chu 半夜在社交平台發佈三段影片,其發文指,「坐坐吓巴士返歸途中,個司機突然停咗喺半路」,車長指一名外籍乘客沒支付車資,於是堅決不開車。 KW Chu 指,「外籍人士堅稱自己有拍卡」,懷疑是八達通機故障。擾攘一論,車長亦不妥協,堅持報警,更要求所有乘客落車,轉乘下一班車。
由於當時已夜深,乘客擔心未能趕上尾班車,於是上前勸喻車長息事寧人,甚至有乘客提出自掏腰包,為外籍男支付車資,惟車長堅決拒絕。 KW Chu 稱,警員到場後向車長及外籍男了解事件後,外籍男便獲准離去,乘客上車繼續行程,不過外籍男就聲稱會就事件投訴。
有網民斥巴士車長過分偏執,小事化大,「其他乘客都話代付,點解堅持唔肯收呢?」有網民認為可以用更聰明的方法解決,「車長當時要求佢嘟多次,咪知有冇畀錢囉!」九巴回覆東網表示,今日凌晨約零時,一輛69X線九巴駛至興華街站時,車長要求一名外籍乘客繳付車資,雙方溝通出現問題,求警協助。警方處理後,巴士繼續行程。
網民有話說:
Fratres Minores:唉!有原則係好事,但太過有原則又...
張家荣:司機做錯了?
Vlon Chan:我有次試過搭bus,拍卡無響聲,但顯示扣咗錢,我立即叫個司機睇番。