政府提出用6億港元翻新約240個公廁,又說要現代化街市,網民見到堂堂預算案中公廁竟佔一個欄目,於是發揮創意表達訴求,提出把現代化街市與翻新公廁Crossover(聯成) ,令公廁更智能化:「用app book廁所位,要scan QR code先開到廁所門吖笨!」
香港仔海濱公園、荃灣德華公園的公廁在一個「十大最差公廁」調查中上榜,預算案翻新公廁議題一出,公廁最大用家、即一班的士司機大佬反應好大,力數污水處處、長期瘀塞的公廁四圍都有。他們認為用6億港元改善公廁衞生,最後只會倒錢落坑:「你翻新完轉頭就爛啦,幾多公廁日日塞、成地水無人理,啲錢用嚟加食環署清潔工人工,等每個公廁都有所長,多啲清潔好過。」
一向愛談論公廁的網民,先聽到現代化街市,再聽到翻新公廁,就希望公廁也可智能化:「用家唔文明,起到幾靚都冇用,不過,我都係想有得用app沖廁同開門。」之後不少網民和議:「正啊,可以用app排定隊爆石。」