或者咁講啦，而家既居屋同公屋基本上係一樣準則（自董伯伯時代開始已經係）
老實講其實唔差既，只不過係賣黎講我覺得無必要起1房或以下既囉，應該7成係2房，3成係3房既，咁我相信會更為人接受
不過呢個政府d人懶，點會同你去諗，直接將現有既公屋改左就算
以前既居屋(唔計私人參建psps果種)，基本上係一條公屋邨+一個居屋屋苑，大家共用一個商場同街市，而居屋既設計同size亦會比公屋大，呢個模式其實一直都幾好，可惜就算自2012年復建居屋後，呢個模式都無被啟用返
今次麗翠苑係6座入面抽4座做綠置居已經算係接近既模式，但可惜售賣果4座本身都係公屋黎，所以都會存在細單位同超細單位呢樣野(我覺得呢種單位對於買家而言，唔吸引）不過講到尾，最後係有用家需求既，政府唔會去幫你諗改善呢個問題
其實就算係已經起好左，政府有心攪點會攪唔到，超細單位好多時係同2房或者1房既單位相連，佢有心攪好小小既，係呢類單位中間開個門口其實有幾難，我樓上公屋單位以前政府為左解決多人口既單位而無咁多大單位，都係將一中月人個細單位打通佢（唔係完全拆曬幅牆，只係開一個門口),問題係佢地有無心做呢樣野啫
