你個諗法有問題，唔係“入定”，你同銀行借200萬就係爭佢200萬，不過你同佢借200萬，佢有個戶口可以俾你存返最多貸款額50%嘅存款入去，利率同佢借俾你嘅一樣。至於入唔入得夠貸款額50%，係你閣下自己決定，呢度好多叻人會話自己可以搵到多過貸款利率回報嘅投資，呢層我唔批評更冇意見。仲有，每月你還咗樓貸，本金嘅數目減少咗之後，你可以存入去獲得和貸款利率相若的款額亦相應按比例減少。呢種Mortgage Link account 有冇好處？有嘅，起碼有事時有舊錢可以俾自己周轉，唔使到時先填表問銀行／財仔借囉。人求我易，我求人難吖嘛。
