可以解說一下嗎？
多爾袞 發表於 2019-03-24 15:01:24 原文
中午比較忙，到晚上先覆到你唔好意思首先以用家角度，你本身 2人住，而且本來既公屋就係200幾呎既，同有部份住大單位公屋人士唔同，你（其實小弟都係 )本身住既人數係2人，而且呎數亦唔大，因此1房對我地黎講，都係吸引既，然後以將來既角度，其實1房亦可分到2房（極端既3房都得，不過就幾迫下）即係表示未來就算人數稍為上升，都係可以應付既。
第二，機會問題，首先下次既綠置居將會以樓花形式發售，加上地點係咪你所要既呢 ? 如果答案唔係，咁你既選擇就只有居屋2019, 有4000幾個單位，如果分咗綠白表既話，即係每邊得2000幾個，而且居屋2019會包括左香港6個發展成熟既地區，所以預計申請人數分分鐘超過居屋2018一倍都唔出奇，人數多咗，單位唔係多好多，而且要注意一點，居屋2019總共既2-3房單位只有1300個左右，仲要分綠白表既每邊只分得600幾個，仲有一樣野，而家暫時未公佈有遷拆戶唔表示無，我相信因為都要等緣置既遷拆戶揀咗，先公佈遷拆戶可以申請，畢竟居屋2019一定超額到爆，房委都未必想連綠置既遷拆戶都被吸引過去，所以佢應該唔會咁快公佈住，應該等5月申請時，遷拆戶一定有份。以上種種可想而知個命中會幾低。
第三，係陰謀論部份，今期既居屋2019其實可以賣火炭或者粉嶺皇后山既項目，但房委抽起咗，一口氣將所有已發展區既靚盤都推出，我覺得係為咗配合明日大嶼既推銷，如果今年內將資助房屋既市區部份都賣曬，將來幾年政府都只賣效區房屋，俾人既訊息就係「政府都已經無地起樓」繼而明日大嶼既推行就會變得更合情理，而家明日大嶼個研究係要42個月，時間剛剛好就係推完今年既市區資助房屋後果幾年都會賣效區樓，時間點係接得上的。
所以如果你係覺得可以住粉嶺皇后山既2-3房，或者火炭工業區頂既居屋，咁等下無妨（又或者有信心居屋2019中頭珠既話，因為人數太多，我認為一定要頭珠先可以有2房）
